a7lashella

مرحبا بك عزيزي الزائر. المرجو منك أن تعرّف نفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه وسنسعد بذلك فى منتديات أحلى شلة .


نورتوا المنتدى
يسعدنا أن تنضم إلى أسرتنا بالتسجيل
للتسجيل فى مـنـتـديــات أحلى شلة
و إذا كنت مسجل لدينا لا تبخل علينا بالدخول



 
الرئيسيةHomeالتسجيلدخول

شاطر | 
 

 مدرسه ام تـــــرتـــــر (منقوووووووووووووووووووول)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
shadow_of_dust
...::| عضو جديد |::...
...::| عضو جديد |::...


الجنس : ذكر
العمر : 28
تاريخ التسجيل : 18/11/2007
عدد الرسائل : 48

مُساهمةموضوع: مدرسه ام تـــــرتـــــر (منقوووووووووووووووووووول)   الخميس نوفمبر 29, 2007 9:07 am

باااااااااااااااااااااااااااااااا باااااااااااااااااااااااااااااااااااااااا

انفجر الصوت داخل منزلى كنفجار مدفع رمضان و البيه الصغير ابنى ينطلق ليدغدغ به مسامعى

بااااااااااااااااااااااااا بااااااااااااااااااااااااااااااااااااا

فيه يا ابنى في ايه الحرب قامت

حرب ايه يا بابا اللى حتقوم بس انت مش معانا و لا ايه

يعنى ايه واد انت مش معاكم دى

يعنى يا بابا امليكا دخلت العلاق ( امريكا و العراق يعنى معلش اصل البيه عنده مشاكل خاصه مع الراء ساعتها يقولها و ساعات ينسى انها موجوده اشاسا ) في يوم واحد شوف احنا بقىىىىىىى


طيب يا عم المحلل السياسيى عايز اي دلوقتى

ماما بتوقلك تعالى عشان عايزه توليك حاجه في ال تى فى ( التلفزيون ابن مثقف حبتين )


قولها باب مش فاضى بيشتغل

يا بابا ثوانى و الجع تانىىىىىىىىى

يا ابنى بشتغل روح قولها في ايده شغل

انا مالى انا حلوح اقولها انك مالدتش تيجى بقى و انت حررررررررر

حرررررررررررررررررر

انطلقت اجرى من مكانى ( وراء الولد طبعا عشان اربيه محدش يفهم غلط )

لحد لما وصلنا للمدام


في ايه يا سااااااااااااااااااااااامح الولد صوته راح وهو عمال ينادى عليك

لا ابدا يا حبيبتى ده انا كنت مشغول بس

مقصوف الرقبه : ده ماكنش لادى يجى يا ماما و قولتلوا انك عايزاه قالى لوح قولها مش فاضىىىىىىىىىىىى

المدام : نعم

انا : لا ابدا يا حبيبتى ده انا قولتلوا جاى وراك على طول انت عارفه ( نلم الدور احسن مش طلبه وشششششششششش )

المدام في حماس ( ربنا يستر ) : طيب تعالى عشان تشوف الاعلان ده


انا : بقى يعنى مسيبانى شغلى و جايبانى على ملى وشى عشان اشوف اعلان بالزمه ده اسمه كلام

المدام بنظرى ذات مغزى : هو الشغل ده ورانا و رانا و لا ايه ثم بحنيه مفاجاه يعنى انا و لا الشغل

انا في عقل بالى ( لا طبعا يا روح قلبى الشغل ) : لا يا حبيبتى انتى طبعا بس ده اعلان

المدام بطريقه قاطعه : سااااااااااااااااااااااااااااااامح

مقنعه المدام بصراحع قاعده في عزه و شمم ( ومحدش يسالنى يعنى ايه شمم )

لاقيت الاتى

الساده المشاهدين ناسف لقطع الارساااااااااااااااااااااال

انا في صياح : ايه الريس ماااااااااااااااااااات لا حول و لا قوه الا بالله مات اللى مدلعنا مااااااااااااااات

المدام : هو مين ده

انا : انتى مش شايفه بيقطعوا الارسال كان قلبك حاسيس يا حبيبتى ماااااااااااااات سابنا و ماااااااااااااااااات لينا مين من بعدك يا ريسنا يا حبيبنااااااااااااااااااااا يا حبيبىىىىىىىىىىىىىىىىىىىى

البيه الصغير : يا بابا هو مين اللى مات اقعد بس واحد الله

انا : واحد الله الواد ده بيجيب الكلام ده منين اسكت انت اشفهمك انت اصل انت ماعشرتشو انما انا وعيت على الدنيا لاقيته موجوده هو بابا وهو ماما و هو انور وجدى

المدام : جدك ايه و بابك ايه و مين انور اللى قبل جدك ده

انا : انور السادات

ابنى : يا بابا اهداء بقى ده اعلان

انا : ايه ده اعلان ايه بيعملوا بروفه على موت الريس ............ لا بقى دى قله ادب المعارضه بجد ذودتها اوى

المدام : معارضه ايه و بروفه ايه ده اعلان ام نبيل

انا : ام نبيل مينننننننننننننن

الواد : شبكه المحلول الاولى في مصل

انا : محلول و مصل .................. ايه اعلان عن محلول معالجه الجفاف ............ يا خبر ابيض كل ده عشان محلول معالجه الجفاف الله يمسيك بالخير يا بيبووووووووووو قاصدى الله يمسيكى بالخير يا ماما كريمه ........... ان جالوا جفاف اديلوا محلول


المدام : ما تهدا بقى يا سامح انت جاى تطلع عنينا عشان حتقد معانا دقيقتين ده اعلان ل موبنيل

انا : موبينل دلوقتى بيقطعولها الارسال سبحان الله واضح ان نجيب ساويرس عدا بركاتك يا عم نجيب

المدام : بس بقى الاعلان اهوه

الاعلان

مداااااااااااااااااااااارس ام ترتر

ولا تلف و لا دور ام ترتر جمعتلك كله يا امور

مداااااااااااااااااااااارس ام ترتر

المستوى الافضل لتعليم

مداااااااااااااااااااااارس ام ترتر

لو عايز ابنك يطلع ايه حنطلعولك

مداااااااااااااااااااااارس ام ترتر

عايز ابنك لعيب كورررررررررررررررره و لا يهمك معانا هنا نخبه من افضل خبراء الكوره في العالم مع دورات تدريبيه في البرازيل و حجز اماكن في الدورى الانجليزى

مداااااااااااااااااااااارس ام ترتر

عايز ابنك فناااااااااااااااااااان و لا يهمك عندنا هنا الفن كله تمثيل عندنا ممثلين على الفرازه كوميديا تراجديا اغراء ( للفتيات فقط ) كله يا باشا
عايزه مطرررررررررررررررررررررب عندنا احنا و احنا بس طقم كونسلفتوار قاعد جاهز يا باشا مجهز العده و مضبطها وواخد دوزان و اخر حيلاوه مع قسم خاص لتجهيز البنات و تضبيطها وعمل كل الازم من نفخ و شفط و كله يا باشا


مداااااااااااااااااااااارس ام ترتر

عايز ابنك صحفى ............... معانا صحفيين صحافه سياسيه فنيه رياضيه صفراء موف كله حتلاقى مع البعد عن الامثله المضره اللى بتسجن

مداااااااااااااااااااااارس ام ترتر

عايزه في مجلس الشعب ( بكسر الشين ) يا باشا احلامك اوامر معانا طقم مجلس شعب عجب ناس متواجده في المجلس و ناس معتزله مع توفير اشتراك خاص في الحزب الوطنى عايز اكثر من كدا ايه B)

مداااااااااااااااااااااارس ام ترتر

انت احلم و احنا نحقق الحلم لو عايز ابنك يطلع القمر حنطلعوا

مداااااااااااااااااااااارس ام ترتر

زرونا تجدوا ما يسركم


وبعدها يطلع طقم بنات من اللى تحس انهم قاعدين منتظرين اى فيديو كلاب و لا اعلان و لا حتى تتر عشان يطلعوا يعرضوا المواهب

انا : اايوا و بعدين هى ام ترتر دى قربتكم

المدام : جرى ايه احنا حنهرررررررررررررررررررررج

انا بشجاعه و اقدام و قد قررت المضى قدما : لا يا حبيبتى بس يعنى مناديانى و جايبانى على ملى وشى عشان اشوف الاخت ام ترتر طيب و انا مالى

المدام : مالك ازاى يعنى مش المفروض ان احنا بندور على مدرسه ل كوكو

انا : كوكو مين اللى حدور ليه على مدرسه

المدام : جرى ايه يا سامح كوكو ابننا

انا : هو احنا مخلفين كوكو و انا ما اعرفش و الله محدش قالى

المدام في صراخ هستيرى : سااااااااااااااااااامح مابحبش الحركات دى ايه مش عارف كريم

القرد الصغير وه يدمع العينين بدموع التماسيح ومن مبدا تهديه النفوس اللى هو ضليع فيه : كوكو انا يا بابا ما تعرفنيش يعنى انت مش بابا انا كنت حاسيس ديما كنت حاسيس عمرك ما جبتيلى بوب كورن و لا كورنفلكس ولا عملتى زى بقيت اصحابى

المدام و هى تنظر لى : معلش يا كوكو يا حبيبى ده بابى بيهرج

انا و انا عايز انط في كرشه و اخد الكرشه اللى فيه و اسيبوا من غير كرشه خالص : انت يا ما بتصدق صح بوب كورن و كورنفلكس من امتى و انت كوكو يا سيى كوكو

المدام : بقولك ايه سيبنا بقى من الكلام ده واضح انك بتهرج المهم حنروح امتى عشان نشوف المدرسه

انا : مدرسه ايه بس

المدام : المدرسه دى

انا : و مين قال انه حيدخل دى

المدام : انا

انا في اقدام : يا حبيبتى انتى مش واخده بالك انهم عملين اعلانات و بتاع يعنى اكيد مدرسه بالشى الفلانى

المدام في حركات نسائيه مدروسه بشكل بكائى يقطع نياط القلوب : انا ماليش دعوه انا مش اقل من توتى صاحبتى و لا فيفى مرات ميدو

انا : ميدووووووووووو

المدام تكمل : ايوا وبعدين لازم ندور على مستقبل كوكو انت عارف الحياه بقيت عامله ازاى

انا : يا حبيبتى بس

المدام : سامح تعالى نروح و نشوف احنا مش حنخسر حاجه

انا : ايوا بس

القرد الصغير : يا بابى تعالى نلوووووووووووووح حتى نطمئن على الحليم

انا : حليم انت بتحب حليم ثم بحنان ابوى يا سلام شكلك حتطلع فنان زى ابوك

الولد : يا بابى حليم .............. موزز يعنى

انا : موزززززززززززززززز .............. بقولكم ايه بقى انا مش فاضى لكلام الفاضى بتاعكم ده انا ورايا شغل الموضوع انتهى


وطبعا لانكم عارفين الشجاعه و الاقدام تجدونى في يوم اجازتى اليتيم ( بعد محاولات ان انكر انهم ممكن يكونوا فاتحين في اليوم ده على اساس ان اى مدرسه محترمه المفروض تقفل في يوم الاجازه ............ نجد انهم فاتحين 24 ساعه و بيعملوا دليفرى كمان ) راكب العربيه وواخد الاخ كوكو و الست ام كوكو ومنطلقين على مدرسة ام ترتر ربنا يخليها لينا



وللحديث بقيه
الرجوع الى أعلى الصفحة اذهب الى الأسفل
sherooo
مدير عام المنتدى
مدير عام المنتدى


الجنس : ذكر
المتصفح المفضل :
العمر : 39
تاريخ التسجيل : 29/10/2007
عدد الرسائل : 3151

مُساهمةموضوع: رد: مدرسه ام تـــــرتـــــر (منقوووووووووووووووووووول)   الخميس نوفمبر 29, 2007 10:52 am

هههههههههههههههههههه

جميلة اوى يا شادو

كمل والنبى . عايز اعرف مصير ابو كوكو




قالو منين البلد .. انا قلت مصراوي ..
فيها الوداد والسند .. ان كنت لها ناوي ..
يا أهل السماحه يا واحه .. لكل ضيف غاوي ..
وكفايه منها إمام الامه شعراوي
الرجوع الى أعلى الصفحة اذهب الى الأسفل
youssef
...::| عضو جديد |::...
...::| عضو جديد |::...


الجنس : انثى
العمر : 34
تاريخ التسجيل : 18/11/2007
عدد الرسائل : 130

مُساهمةموضوع: رد: مدرسه ام تـــــرتـــــر (منقوووووووووووووووووووول)   الخميس نوفمبر 29, 2007 11:47 am

bgad faze3aaaaaaaaaa
الرجوع الى أعلى الصفحة اذهب الى الأسفل
shadow_of_dust
...::| عضو جديد |::...
...::| عضو جديد |::...


الجنس : ذكر
العمر : 28
تاريخ التسجيل : 18/11/2007
عدد الرسائل : 48

مُساهمةموضوع: رد: مدرسه ام تـــــرتـــــر (منقوووووووووووووووووووول)   الجمعة نوفمبر 30, 2007 9:19 am

انطلق الموكب من بيتنا متوجه الى مقر مدرسه ام ترتر المصون وانا العن الترتر و عائلته كلها التى نغصت عليه يوم اجازتى

وطبعا بعد الوقف كام مره عشان نفطر مش عارف منين مش رحله بقى و عشان البيه عايز شيتوووووووووووووس و عايز ميتووووووووووووووووس و عايز يضرب بس بلاش عشان في قوات حفظ سلام معانا في الموكب لا داعى لاغضبها حتى لا يتعرض الموكب لقصف و تبقى ليله سقوط سامح


وصل الموكب للمكان المنشود


وبرغم من سعادتى بالعربيه الخاصه بى و برغم من انها عربيه حديثه و الحمدلله الا انى شعرت و انا داخل الباركينج انى لابد لى من اخفائها عشان الاحراج و حتى لا تشعر العربيه بالخجل في ظل وجود هذه الانواع الاخرى

او انى المفروض اركن بره خالص و ادخل على رجلى و اقف في الباركينح و اشمر و واتقمص شخصيه هنيدى واقول باركينج اند كلينج باركينج اند كلينج يمكن الواحد يجيب مصاريف سى كوكو


نظرات من المدام والاخ كوكو ليه و انا داخل بالعربيه و هما عارفين انى كنت ديما فرحان بيها تريد ان تقول حتروح فين يا صعلوك بين الملوك وابا الاخ كوكو غير انه يقولها علنى

كوكو وهو يشير على احدى السيارات : ايه دى يا مامى طياره

الام بطريقه ذات مغزى : لا يا حبيبى دى اللى بيقوله عليها عربيه

كوكو افندى : امال بتاعتنا دى ايه يا مامى

الام مع ضم الشفتين و المصمصه الشهيره : دى عر من غير بيه يا روحى

سامح ( اللهم ما اخذيك يا شوشو ) : مش كانت عجباكم و انتم اللى مخترنها

الام بنفس الحركه : على اد لحافك مد رجيلك

كوكو ابن ال .............. : ده لحفنا شكله صغير اوى يا مامى هو ده اللحاف اللى كنت بتغطا بيه و انا نونو

الام : يا حبيبى ده مش لحاف ده بشكير

كوكو : لا انا متهايلى يا مامى ده فوطه مطبخ


سامح مقاطعا حمله التريقه : خلاص وصلنا انزلوا

الام : و مالقتش غير العربيه ال ............. ( عشان ممنوع الاعلان ) و تركن جنبها طيب شوف حاجه اقل بلاش احراااااااااااااااااااااج


سامح : وهو بمزاجى مش المكان اللى فاضى و بعدين بقلكم ايه مش عجبكم يلا بينا نرجع

الام : يلا يا كوكو يا حبيبى امرنا لله

كوكو : معلش يا ماما بكله لبنا يلزقنا و نجيب لحاف كبيل شويه ( بكره ربنا يرزقنا مش محتاجه ترجمه )

سامح :


اتوجه بالفاموليا الى داخل هذه الصرح و قد انفتحت افاوهنا في مظهر غير صحى نهائى لان ممكن في اى لحظه يدخل دبور و لا نحله تعشش جوه بق اى حد فينا


كوكو : ايه ده يا ماما هى دى ديزنى لاند

الام : لا يا حبيبى دى حتبقى مدرستك ان شاء الله

سامح : بلاش تعلقى الولد بيها لحد لما نشوف الظروف ايه

الام : يا عم سيبوا يحلم انت حتمنعوا من الحلم كمان

كوكو : يا بابا لو بطلنا نحلم نموووووووووووووووووت

سامح : اسم الله صاينك و حافظك يا حبيبى

الام : احلم يا حبيبى احلم حتى الحلم مش من حقنا

سامح : جرى ايه بقى ده احنا لسه ما دخلناش طيب و دينى ارجع

كوكو : خلاص يا بابى خلاص ( طبعا لحظتم انه لما يحب يثبتنى يقولى يا بابى و في العادى يقولى يا بابا ) ادخل بمزاجك احسن

سامح : ايـــــــــــــــــــــــــــــــــــــه

الام : في حاجه

سامح : لا ابدا ده انا كنت بنادى على واحد صاحبى

كوكو : واحد صاحبك اسمه ايـــــــــــــــــــــه

سامح : ايوا يا اخويا اسمه ايه محمد السيد احمد ايه في حاجه

كوكو : لا مافيش ماشيها ايه و خلاص



داخل اقدم رجل و اخر الثانيه و اقول استر يا رب

لاقيتها طلعت علينا فاجاه و انقضت كانثى الاسد


وللحديث بقيه


ويجعلوا عامر
الرجوع الى أعلى الصفحة اذهب الى الأسفل
sherooo
مدير عام المنتدى
مدير عام المنتدى


الجنس : ذكر
المتصفح المفضل :
العمر : 39
تاريخ التسجيل : 29/10/2007
عدد الرسائل : 3151

مُساهمةموضوع: رد: مدرسه ام تـــــرتـــــر (منقوووووووووووووووووووول)   الجمعة نوفمبر 30, 2007 12:09 pm

هههههههههههههههههههههه


جميلة يا شادو

والنبى تخلص القصة بدرى

لازم اعرف مصير سامح

وهيعمل ايه فى المدام فى النهاية

اهئ اهئ اهئ

يانى يانى يا بختى يانى




قالو منين البلد .. انا قلت مصراوي ..
فيها الوداد والسند .. ان كنت لها ناوي ..
يا أهل السماحه يا واحه .. لكل ضيف غاوي ..
وكفايه منها إمام الامه شعراوي
الرجوع الى أعلى الصفحة اذهب الى الأسفل
 
مدرسه ام تـــــرتـــــر (منقوووووووووووووووووووول)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a7lashella :: المنتديات الترفيهية :: منتدى الضحك والنكت-
انتقل الى:  
المواضيع الأخيرة
» افضل شركة يونيفورم(اكرم)لجميع انواع اليونيفورم_شركات يونيفورم بمصر01200561116
أمس في 1:01 pm من طرف jakleen

» افضل شركة يونيفورم(اكرم)لجميع انواع اليونيفورم_شركات يونيفورم بمصر01200561116
أمس في 12:55 pm من طرف jakleen

» مصنع السلام للملابس الجاهزة والزي الموحد(تصنيع لحساب الغير)Uniforms factory in Egypt
أمس في 12:24 pm من طرف jakleen

» شركات يونيفورم بمصر_أفضل شركة يونيفورم (السلام للتوريدات الفندقيه 01223182572 - 01118689995
الأحد يناير 15, 2017 3:59 pm من طرف ناناجمس

» يونيفورم الاميرة سرعة في التفيذ و جوده في التصميم والخاماتUniforms factory in Egypt
الأحد يناير 15, 2017 3:52 pm من طرف jakleen

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
الأحد يناير 15, 2017 3:31 pm من طرف ناناجمس

» بيع وتأجير ارواب التخرج والكابات للجامعات والمدارس01200561116شركات يونيفورم بمصر
الأحد يناير 15, 2017 3:14 pm من طرف jakleen

» تصنيع وتوريد يونيفورم لجميع الدول العربية(شركه يونيفورم بالقاهرة)Uniforms Company in cairo
الأحد يناير 15, 2017 2:52 pm من طرف jakleen

» شركات يونيفورم بمصر_مريول تخرج وصور ارواب (كاب-وشاح-قبعة- طاقية )للخريجين استايلات جديدة
الأحد يناير 15, 2017 12:45 pm من طرف ناناجمس

» مصنع السلام للملابس الجاهزة(تصنيع لحساب الغير)_تصنيع جميع انواع اليونيفورم01223182572
الأحد يناير 15, 2017 11:59 am من طرف jakleen

» شركات يونيفورم بمصر_تصنيع وتجارة ازى الموحد (اليونيفورم ) للدول العربية والافريقية للفنادق والمصانع والمطاعم والمستشفيات والشركات
الأحد يناير 15, 2017 9:44 am من طرف ناناجمس

» بيع وتأجيرارواب التخرجGraduationوالكابات موديلات مختلفة01126235513
السبت يناير 14, 2017 3:40 pm من طرف jakleen

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
السبت يناير 14, 2017 3:16 pm من طرف ناناجمس

» الأميرة افضل شركة يونيفورم بمصر_جميع انواع الزي الموحد Uniforms Company in Egypt
السبت يناير 14, 2017 2:38 pm من طرف jakleen

» اكرم لتصنيع اجدد موديلات لارواب التخرج_مصنع يونيفورم بمصرUniforms factory in egypt
السبت يناير 14, 2017 2:03 pm من طرف jakleen

» شركه يونيفورم بمصر_صور ارواب التخرج وملابس الحفلات وجميع الموديلات –ارواب للدكتوراة وارواب للماجيستير بأسعار منافسة
السبت يناير 14, 2017 1:27 pm من طرف ناناجمس

» يونيفورم لجميع الاقسام بجميع المجالات_شركه يونيفورم بالقاهرةUniforms Company in cairo
السبت يناير 14, 2017 12:58 pm من طرف jakleen

» تفصيل جميع انواع اليونيفورم(مصنع السلام)تصنيع لحساب الغيرUniforms factory in cairo
السبت يناير 14, 2017 12:21 pm من طرف jakleen

» شركه يونيفورم بمصر_يونيفورم ununiform جميع الاقسام بالمستشفيات والفنادق والمصانع وشركات الامن والحراسة وارواب التخرج للجامعات
السبت يناير 14, 2017 12:03 pm من طرف ناناجمس

» الأميرة افضل شركة يونيفورم بمصر(جميع انواع الزي الموحد)Uniforms Company in egypt
الثلاثاء يناير 10, 2017 3:31 pm من طرف jakleen

الوقت الذى استغرقته بالموقع أحلــى شلة لكل الشلـــــة


الموضوعات المكتوبة لا تعبر بالضرورة عن رأي الموقع 


Powered by © ahlamontada ® Version 3.8.6Copyright ©2000 - 2014,
Jelsoft Enterprises Ltd.Search Engine Friendly URLs by © phpBB2 3.5.1
©2014,a7lashella, Inc.