نكت مصرية

موضوع: نكت مصرية الأربعاء مارس 25, 2009 7:13 pm

بدوي اشترى سيارة بي إم دبليو بمواصفات خاصة، فيها الكمبيوتر يصلح كل شي من دون ما يروح الوكالة! حب البدوي يجربها فدعم بالباب اللي عاليمين، فرد الكمبيوتر: يا أيها الباب ارجع كما كنت، فرد ودعم بالباب اللي عاليسار، فرد الكمبيوتر: يا أيها الباب ارجع كما كنت! عجبته السالفة قام جربها وطار من فوق الجسر!! فرد الكمبيوتر: يا أيتها النفس المطمئنة ارجعي إلى ربك راضية مرضية

مره اتنيين مساطيل ماشيين على شريط القطر فواحد بيقول للتاني يا اخى السلم ده طويل قوى ..رد التاني عليه اللى مضايقني ان الدربزيين واطى أوى

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم

مره واحدجاى من الجيش لقى امه عندها 20 سنه قالها مين انتى قالتلو ابوك اخترع دواء اللى يشرب ملعقه يصغر 20 سنه قالها امال مين ده اللى على كتفك شايلاه قالتلو ده ابوك شرب القزازه كلها

واحد نايم جنب مراته فسمعت صوت، بتقوله يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

مرة واحد ماشي في الشارع لقى واحد عمال يقول:الحقوني الحقوني قاله: في ايه قله: حماتي عايزه ترمي نفسها من الشباك قاله :أنت حمار ماتسبها ترمي نفسها قاله:ما هو الشباك مش عايز يفتح

ولد يسأل ابوه .... هل الحب اعمى ؟؟؟ رد عليه ابوه .. وقال : شوف امك وانت تعرف

طفل صغير سأل امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك

يارب تكون عجبتكم

موضوع: رد: نكت مصرية الأربعاء مارس 25, 2009 7:24 pm

واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

مرة واحد غبى ماشى فى الشارع لقى قرد خده و مشي بيه قابل عسكرى مرور سألوا اودى القرد ده فين العسكرى قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعدعدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع

مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس والتانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان النهارده الاحد والمحلات قافلة فالتانى قاله لا ده انا بشتغل عند واحد اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه

واحدصعيدى طلع يرمى نفسه من فوق البرج قابله واحدشيخ وقاله ليه هترمى نفسك قال عشان غبى قاله طب اناهسالك سؤالين وهشوفك غبى ولا ايه.حاجة اسمها زى جسمها تبقى ايه قاله معرفش قاله يعنى بيضه يابنى .طب هى حجتين اسمهم زى اسمهم تبقى ايه قاله دى واعرة عليه.قاله يعنى بيضة يابنى . طب بص بقى حاجة ليهااربع رجول وديل وبتنونو تبقى ايه قاله تلاث بيضات قام الشيخ رماه من فوق البرج...

طيار بيقول يا جماعة الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك

مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4

صعيدي بالغلط دخل متحف للفن الحديث توقف عند احد اللوحات وسأل أحد المنظمين جنبه ايه الشكل المرعب ده، هو ده الفن اللي بتسموه حديث؟رد المنظم : دى مراية يا أستاذ cheers

واحد ندل جيرانه خبطوا عليه بالليل وقالوله

ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى

موضوع: رد: نكت مصرية الأربعاء مارس 25, 2009 8:46 pm

جميلة جداااااااااااااااااااااااااااااااااااااااااااااااااااا
جداااااااااااااااااااااااااااا يا محمد

موضوع: رد: نكت مصرية الأربعاء مارس 25, 2009 8:47 pm

شكرا ليك يا متعب

» صور فكاهية مصرية
» تركيبة أعشاب مصرية تعالج السرطان
» وفاء مصرية بأنفلونزا الخنازير بمستشفي خاص
» طالبة الإعدادى التى أجبرها شيخ الأزهر على خلع النقاب تتحدث لصحيفة مصرية