مصابيح الشوارع

وداعآ يابعد كل البنات وعمري اللي راح
خذيتي عمري الأول عطيني عمري الثاني



تسكّر في عيوني كل حظ ومامعي مفتاح
يموت الصبح في قلبي قبل لايشرق اللساني


تحاربني المداين والشوارع مابها أفراح
تغير كل شي ولا بقى صوت إيتمناني


أنادي للصحاري والصحاري مابها مرتاح
وأصوت للبحر وإثر المواني ماتحراني


أناظر للعماير والزعل واضح وأشوفه لاح
مدينتها على شان الزعل ماعاد تبغاني


مصابيح الشوارع من زعلها فالعيون أشباح
على الدوار ورد الياسمين أجهش وبكاني


يموت الورد بيدي بس يبقى عطره الفواح
يذوب الشمع قدامي عشان النور يغشاني


خذيت اغلى الليالي في مدينتها وأنا سواح
خذيت وماعطيت اللي من الوجدان تهواني


يمرون العيون أحلى من التفاح يـ التفاح
وقف حبك مابيني والعذارى ويتحداني


كسرتيني وأنا لك بالمحبه يـ الغلا مصباح
أنور دربك وصابر على همي ونيراني


كسرتيني وأنا يـ القيروان أقرب من الآرواح
زعلتي مادمحتي غلطتي حتى علشاني


أنا مافيني أصدق وأكذب دمعة التمساح
كرهت أشتاق وأحبابي بيوم وليل تنساني


خذيت أعصابك وصارت بيديني يـ الغلا مسباح
لعنك الله ياأبليس الغرام وكل شيطاني


وداعا مثل مايبكي الحصاد الهالك الفلاح
اشوف الدرب ياعمري وقف ماعاد وداني


أبترك هالمدينه والغرام وعلني أرتاح
عساني لارحلت أنسى معاها آخر احزاني