a7lashella

مرحبا بك عزيزي الزائر. المرجو منك أن تعرّف نفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه وسنسعد بذلك فى منتديات أحلى شلة .


نورتوا المنتدى
يسعدنا أن تنضم إلى أسرتنا بالتسجيل
للتسجيل فى مـنـتـديــات أحلى شلة
و إذا كنت مسجل لدينا لا تبخل علينا بالدخول



 
الرئيسيةHomeالتسجيلدخول

شاطر | 
 

 جايز يكون العيب فيكى

اذهب الى الأسفل 
كاتب الموضوعرسالة
ziko
...::| عضو ذهبي |::...
...::| عضو ذهبي |::...


الجنس : ذكر
أنــــا :
مزاجى :
المتصفح المفضل :
العمر : 30
تاريخ التسجيل : 04/02/2009
عدد الرسائل : 2980

مُساهمةموضوع: جايز يكون العيب فيكى   الأحد مارس 22, 2009 8:04 pm

مش مرتبطة؟ العيب ممكن يكون فيكي!

دلوقت فيفي وسوسو وحتى تفيدة اتجوزوا.. وإنتِ يا عيني الوحيدة اللي بتعاني من الوحدة.. وبتضايقك جدا تعليقات صحباتك البنات بخصوص "مش ناوية قريب؟" و"يلاّ عاوزين نحضر فرح" و"إنت آخر واحدة ماتجوزتش في الشلة إمتى نخلص منك بقى".. أكيد لما بتسمعي التعليقات اللطيفة دي، بييجي على دماغك سؤال.. يا ترى فيفي وسوسو وتفيدة أحسن مني في إيه؟ أجمل مني؟ أذكى مني؟ دمهم أخف من دمي؟ ويا ترى ليه إنت بقالك ييجي 60 سنة مش عارفة تدخلي في علاقة عاطفية جادة؟
وليه يأستي لدرجة إن عندك استعداد ترتبطي بأي حد والسلام؟

المشكلة هنا بسيطة جدا، وكل اللي إنت محتاجاه للوصول للجاذبية اللي قدروا صحباتك البنات إنهم يوصلوا ليها، هي إنك تعرفي نفسك.. وخلينا نفهم الموضوع واحدة واحدة.. أولا لازم تكوني صريحة جدا مع نفسك.. وتعترفي بنقاط قوتك، و-الأهم من ده- تعترفي بنقاط ضعفك أو عيوبك.. وده طبعا مش بيكون سهل، لأن مفيش حد تقريبا يحب إن تكون عنده عيوب أو "ديفوهات" في شخصيته.. ولو سألتيني "ده هيساعدني إزاي في إني أدخل علاقة عاطفية؟" هاقول لك إن مجرد معرفتك بالنقاط دي هايديكي ثقة أكثر في نفسك، وتحكُّم في العيوب دي وهيعلمك ازاي تخليها ماتأثرش في علاقاتك بالناس وهتخليكي كمان تقدري تستوعبي ازاي العيوب دي ممكن تؤثر سلبياً في وجهة نظر أي حد بيحاول يقرب لك على المستوى الإنساني والعاطفي، وخلينا نشوف المثال ده:
أحمد: ويا ترى إنتي بتحبي تقضي وقت فراغك في إيه؟
نانا: في الحقيقة أنا باحب أعمل شوبينج قوي.. باحب اشتري ماكياج كتير وأبقى نازلة أتفرج على المحلات عادي ألاقي نفسي اشتريت 4 إيشاربات مثلا وإكسسوارات وأدوات ماكياج وارجع أستلف من ماما لحد آخر الشهر.. طبعا نانا هنا كانت بتتكلم براحتها وبالتفصيل الممل، من غير ما تعرف إن ده عيب قاتل في شخصيتها. وطبعا أحمد بيفكر في حاجة واحدة اللي هي "الحمد لله إني عرفت الكلام دلوقت أحسن لو كنت اتجوزتها كانت خربت البيت وموتتنا من الجوع!"
في الحالة دي إحنا مش بنطلب من نانا إنها تكذب وتخبي حقيقتها على أحمد، إحنا بنطلب منها إنها تعرف إن اللي بتقوله ده يندرج تحت عيب "التبذير وصرف الفلوس من غير وعي"، ولما تعرف إنه عيب هتحاول تصلحه بقدر الإمكان بإنها تتحكم في رغبتها المحمومة في الشراء على الفاضي وعلى المليان..
وبالتالي، لما تييجي تحكي لأحمد عن موضوع الشوبينج بتاعها ده، هتكون فاهمة إن ده عيب في شخصيتها، مش هتتفاخر بيه زي ما عملت في الحوار اللي فات..

من انت؟؟؟؟؟
مهم جدا إنك تعرفي نفسك وتكوني صديقة نفسك الأولى.. والإجابة على أشهر سؤال في تاريخ السينما المصرية "من أنت؟"
بتاع "سعاد حسني" في فيلم (خلي بالك من زوزو).. شيء صعب مش سهل.. لأن جواه تفاصيل كتير.. يعني إيه من أنا؟ طب ما هو "أنا" ده عبارة عن كذا شخصية.. عبارة عن ابنة وأخت وطالبة وممكن فنانة.. إلخ.. إيه المقصود بأنا؟ اسمي؟ ديني؟ وظيفتي؟ دوري في عيلتي؟ دوري مع أصحابي؟
الحصول على إجابة السؤال ده محتاجة الكثير من التأمل والبحث جواكي..

لو أنا مش باحب نفسي، مين هايحبني؟
قلنا إن من أهم الصفات اللي لازم تتحلي بيها هي الثقة بالنفس.. والثقة بالنفس دي هاتيجي من معرفة إجابة سؤال "من أنتِ؟"
زي ما قلنا.. الثقة بالنفس يعني إنك تتقبلي نفسك بكل ما فيها.. بكل المميزات وبكل العيوب بصفتها شيء إنساني جدا ولأن الكمال لله وحده.. وخلي بالك.. لو إنت عمالة تبيني للناس إنك رائعة وفظيعة ومحصلتيش وإنك أحسن حاجة حصلت بعد بناء السد العالي، وإنت من جواكي مش مؤمنة بده ومؤمنة بإنك -مثلا- أتخن من اللازم أو مش ذكية قوية أو ماتستحقيش حبا حقيقيا.. ثقي تماما إن الناس هتعرف ده، وهتبعد عنك ومن ضمنهم قد يكون فارس أحلامك.. الخلاصة: لازم تحبي نفسك، لو كنتِ عاوزة حد يحبك..
درس عملي طيب خلونا متفائلين وخلونا نقول إنكم مقتنعين بكل الكلام اللي قلناه فوق ده، ومحتاجين بس شوية أدوات تساعدكم في معرفة نفسكم..

ودى الاسئلة اللى عاييزة اعرف اجابتكم منهم يابنات:
• هل ساعات بتحسي إنك محتاجة تلبسي "ماسك" أو تخبي شخصيتك الحقيقية في بعض المواقف؟ إمتى بيحصل ده وليه؟
• هل بتشعري بالعار في أحيان كتيرة؟ ليه؟
• هل بتحسي إنك مش ذكية كفاية؟
• إيه المشكلة الأساسية الموجودة عندك؟
• بتحسي إنك واثقة في نفسك ولا لأ؟
• هل تعتقدي إن (أختك.. صاحبتك.. إلخ) أحسن منك؟ في إيه؟
• هل بتحسي إنك ماتستحقيش الحب الحقيقي؟
• إمتى بتحسي إنك مسيطرة على حياتك ومتحكمة فيها بالكامل؟
• هل بتحسي إن شخصيتك ذكية وجذابة ومميزة؟
• هل بتحسي إن تجارب سابقة حطمتك وبالتالي معندكيش الاستعداد النفسي لخوض علاقة عاطفية جديدة؟
• هل بتشعري إنك تستحقي السعادة؟

السبب وراء الإجابة على الأسئلة دي هو إنك توصلي لنقط الضعف ونقط القوة في شخصيتك.. تحاولي تقللي من العيوب، وبالتالي المميزات هتزيد ومعاها الثقة بالنفس.. وبدل من إنك توافقي على الارتباط بأي شخص والسلام.. أو بحد مش بيعاملك بالطريقة اللي تستحقيها، هتقدري تعملي وقفة وتقولي "لأ.. أنا أستاهل حد يعاملني باحترام وتقدير وحب.. من حقي أكون سعيدة في حياتي.. مع الإنسان المناسب". بعد ما تقدري تقدمي نفسك للناس بهذه الصورة.. اللي إنت فيها بتقدري ذاتك وتحترميها.. ومش راضية فيها بأي حد والسلام.. ومش عاوزة فيها تتجوزي وخلاص من فرط اليأس.. هتلاقي نفسك بقيتي محاطة بعدد لا بأس به من الشباب اللي زي الفل واللي عاوزين يتقدموا لك، لأن أكتر حاجة ممكن تحبط الشاب في البنت اللي بيفكر يرتبط بيها هي إنه يحس إنها يائسة وماعندهاش ثقة بنفسها وده هيضمن له ببساطة عيشة نكد طول العمر!
خلي شخصيتك وصفاتك الجميلة تشرق من جواكي..
خليكي متوهجة بالحماس وبالشغف للحاجات اللي بتحبي تعمليها
خلي الناس هي اللي تنجذب ليكي من غير ما تبذلي مجهود غير في إنك تكوني أحسن ما عندك..
الرجوع الى أعلى الصفحة اذهب الى الأسفل
الدلوعه
...::| عضو نشيط |::...
...::| عضو نشيط |::...
avatar

الجنس : انثى
العمر : 26
تاريخ التسجيل : 13/03/2009
عدد الرسائل : 638

مُساهمةموضوع: رد: جايز يكون العيب فيكى   الأحد مارس 22, 2009 8:09 pm

هههههههههههههههههه
جميا جددددا يا زيكو
الرجوع الى أعلى الصفحة اذهب الى الأسفل
ziko
...::| عضو ذهبي |::...
...::| عضو ذهبي |::...


الجنس : ذكر
أنــــا :
مزاجى :
المتصفح المفضل :
العمر : 30
تاريخ التسجيل : 04/02/2009
عدد الرسائل : 2980

مُساهمةموضوع: رد: جايز يكون العيب فيكى   الأحد مارس 22, 2009 8:55 pm

شكرآآآآآآآآآآآآآآآ
على الرد
يا دلوعة
الرجوع الى أعلى الصفحة اذهب الى الأسفل
togy
...::| عضو ماسي |::...
...::| عضو ماسي |::...
avatar

الجنس : انثى
أنــــا :
المتصفح المفضل :
العمر : 29
تاريخ التسجيل : 15/03/2009
عدد الرسائل : 6403

مُساهمةموضوع: رد: جايز يكون العيب فيكى   الأحد مارس 22, 2009 8:58 pm

ههههههههه
تسلم ايدك يا زيكو
الرجوع الى أعلى الصفحة اذهب الى الأسفل
ziko
...::| عضو ذهبي |::...
...::| عضو ذهبي |::...


الجنس : ذكر
أنــــا :
مزاجى :
المتصفح المفضل :
العمر : 30
تاريخ التسجيل : 04/02/2009
عدد الرسائل : 2980

مُساهمةموضوع: رد: جايز يكون العيب فيكى   الأحد مارس 22, 2009 9:13 pm

شكرآآآآآآآآآآآ
على الرد توجى
الرجوع الى أعلى الصفحة اذهب الى الأسفل
 
جايز يكون العيب فيكى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a7lashella :: المنتديات العامة :: المنتدى العام-
انتقل الى:  
المواضيع الأخيرة
» يونيفورم_ملابس طاقم المستشفى -( شركة السلام للملابس الطبية 01118689995 )
اليوم في 2:44 pm من طرف ناناجمس

»  يونيفورم_طقم مساعد طباخ – طقم استيوار _( شركة السلام لليونيفورم 01118689995 )
اليوم في 2:13 pm من طرف ناناجمس

» يونيفورم_محل بيع يونيفورم فنادق -(شركة السلام لليونيفورم 01223182572 )
اليوم في 1:37 pm من طرف ناناجمس

» يونيفورم شركات البترول _( شركة السلام لليونيفورم 01223182572 )
اليوم في 1:09 pm من طرف ناناجمس

» يونيفورم شركات الامن _( شركة السلام لليونيفورم 01223182572 )
اليوم في 12:41 pm من طرف ناناجمس

» يونيفورم_متخصصون بالزي الموحد _( شركة السلام لليونيفورم 01118689995 )
اليوم في 12:11 pm من طرف ناناجمس

» ملابس زى موحد يونيفورم _ (شركة السلام لليونيفورم 01118689995 )
اليوم في 11:20 am من طرف ناناجمس

» يونيفورم_جاكيت شيف – بنطلون شيف_ ( شركة السلام لليونيفورم 01118689995 )
أمس في 3:02 pm من طرف ناناجمس

» يونيفورم_شركات يونيفور مدارس_(شركة السلام لليونيفورم 01118689995 )
أمس في 2:39 pm من طرف ناناجمس

» يونيفورم عمال نظافة الفندق _( شركة السلام لليونيفورم 01223182572 )
أمس في 2:07 pm من طرف ناناجمس

» يونيفورم اطباء _( شركة السلام للملابس الطبية 01118689995 )
أمس في 1:29 pm من طرف ناناجمس

» يونيفورم سكيورتى _( شركة السلام لليونيفورم 01223182572 )
أمس في 12:52 pm من طرف ناناجمس

» يونيفورم_شركة توريد يونيفورم وملابس العمال_( شركة السلام لليونيفورم 01223182572 )
أمس في 12:31 pm من طرف ناناجمس

» موديلات ارواب تخرج_( شركة السلام لليونيفورم 01118689995 )
أمس في 11:58 am من طرف ناناجمس

»  اسعار يونيفورم _(شركة السلام لليونيفورم 01118689995 )
أمس في 11:28 am من طرف ناناجمس

» (house keeping )يونيفورم_( شركة السلام لليونيفورم 01223182572 )
الإثنين فبراير 19, 2018 2:54 pm من طرف ناناجمس

» يونيفورم_محل بيع يونيفورم حضانه _ (شركة السلام لليونيفورم 01118689995 )
الإثنين فبراير 19, 2018 2:32 pm من طرف ناناجمس

»  يونيفورم _الزى الموحد للمطاعم_( شركة السلام لليونيفورم 01118689995 )
الإثنين فبراير 19, 2018 2:09 pm من طرف ناناجمس

» يونيفورم_اشكال يونيفورم فندق_ (شركة السلام لليونيفورم 01223182572 )
الإثنين فبراير 19, 2018 1:29 pm من طرف ناناجمس

» يونيفورم امن وحراسة _( شركة السلام لليونيفورم 01223182572 )
الإثنين فبراير 19, 2018 1:00 pm من طرف ناناجمس

الوقت الذى استغرقته بالموقع أحلــى شلة لكل الشلـــــة


الموضوعات المكتوبة لا تعبر بالضرورة عن رأي الموقع 


Powered by © ahlamontada ® Version 3.8.6Copyright ©2000 - 2014,
Jelsoft Enterprises Ltd.Search Engine Friendly URLs by © phpBB2 3.5.1
©2014,a7lashella, Inc.