a7lashella

مرحبا بك عزيزي الزائر. المرجو منك أن تعرّف نفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه وسنسعد بذلك فى منتديات أحلى شلة .


نورتوا المنتدى
يسعدنا أن تنضم إلى أسرتنا بالتسجيل
للتسجيل فى مـنـتـديــات أحلى شلة
و إذا كنت مسجل لدينا لا تبخل علينا بالدخول



 
الرئيسيةHomeالتسجيلدخول

شاطر | 
 

 بيان هام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: بيان هام   الثلاثاء يونيو 09, 2009 6:40 pm

بيان هام


هنا شقلبان
محطه إذاعه حلاوه زمان
من القاهرة
ومن كردفان
وسائر بلاد العرب
واليابان
ومن فنزويلا
وايضا ايران
ومن أي دار
او بلد مستباحه
بفعل السياحه
مع الامريكان
هنا شقلبان
محطه اذاعه حلاوه زمان
نقدم اليكم بكل اللغات
مراسح وسيما وجميع الفنون
صحافه ومنابر
وتليفويونات
وخطبا ف جوامع
وجبنه وزيتون
ونفزح ونركب جميع الموجات
ونبحث ونفهم
فى كل الشئون
واديما نلعلع فى كل الحالات
ولا حد سامع
ولا يحزنون
وتمسع ما تسمع
دا ما يهمناش
لان احنا اصلا
بناكل بلاش
فخليك فى نفسك
وما نخليناش
نسلط عليك القلم
واللسان
هنا شقلبان
محطه اذاعه حلاوه زمان
يسر الاذاعه
وما يسركوش
بهذي المناسبه
وما بندعيكوش
نقدم اليكم
ولا تقرفوش
شحاته المعسل
بدون الرتوش
شبندر سماسره بلاد العمار
معمر جراسن للعب القمار
وخارب مزارع
وتاجر خضار
وعقبال املتك
امير الجيوش
ما تقدرش تنكر
تقول ما اعرفوش
ما تقدرش ايضا
تقول ما اسمعوش
شحاته المعسل
حبيب القلوب
يزيل البقع
والهموم والكرب
يا نفس
يا فين
يبلغ حبوب
ويفضل يهلفط
ولا تفهموش
وتفهم ما تفهم
دا ما يهمناش
لان انت فاهم
وعامل طناش
ح تنكر وتحلف
ح اقول لك بلاش
ح تتعب دماغنا
وتتعب كمان
هنا شقلبان
محطه اذاعه حلاوه زمان
لان المخبى ظهر واستبان
وكل المسائل
بدت للعيان
وطلعت حكاوي
ونزلت كمان
عن التهريبيه
وعن كيت وكان
وعن محسوبيه
وعن العبان
ظهر فى المدينه
كانه الطوفان
وغرق مراكب
وسوح غيطان
وبعض المراكب
ح تغرق كمان
وازمه مساكن
وازمه امان
وعالم بياكل
فى عالم جعان
وريحه مؤامره
فى جو المكان
مخطط خيانه
مع الامريكان
لدبح العشيره
وحرق الجيران
وفيه ناس بترغي
ولازم بيان
كما ابلغونا
جميع الودان
لهذا وذاكا ... وتكلم كمان
نقدم اليكم
عروسه وحصان
شحاته المعسل
وهذا البيان
هنا شقلبان
محطه اذاعه حلاوه زمان
بسم الله
سلام عليكم

وسلمون وموز
واما المسائل
فهنجف ولوز
فيا اخوتى
ويا اخوات
اليكم بيانى
كما هو ات
جميع المسائل
تمام التمام
وكل الكلام دا
مجرد كلام
فصيرا جميلا
ولا تقلقوش
وشغل الضغاين
انا ما اقبلوش
ما فيش أي حاجه
على الطلاق والعتاق بالتلاته
ما فيه أي حاجه
وقدر كمان ان فيه أي حاجه
ما فيش أي حاجه
ما لوش أي لازمه الكلام
واللجاجه
وعيب ان عيل يسوق السماجه
ويعمل ديباجه
انا بطبعي ضد السماسره الكبار
بحكم المنافسه
وحكم الجوار
لكن مش ف طبيعي
انىاعمل فضيحه
لو احد زميلي
هبش كام صفيحه
ما كل الزمايل
بتهبش صفايح
وكل اللي جاي
مش زي اللي رايح
فيا ايها الشعب
صهين تفعلص
مساء التنفس
مساء الرويح
اخويا الامير بزرميط الايرانى
بعت لي السنه دي
عزمنى ودعانى
انا قبلت طبعا
ورحنا العزومه
وكانت وليمه
ما تحصلش تانى
دا ايه المحمر
وايه المكمر
وايه المشمر
وايه الصوانى
انا دماغى تعبت
ولفت صراحه
من الفخفخه
واهنا الاصفهانى
هناك يعنى مثلا
اذا شربت طافيه
تمز بكوارع
وبسطرمه ضانى
ما شفتش هناك
ناس بتحقد عليهم
ولا ناس بتشتم
فلان الفلانى
لانه اشتري عزبيتن
من شطارته
وحكمه ادارته
وطلع مبانى
وبعد الواليمه استلمنا الهدايا
مفضض
ومدهب
وقز وقيشانى
وطبعا اخويا الامير
قال لى حاجه
ح اقوالها لكو طبعا
اذا الوقت ناسب
ح تطلع لى عيل
بدون أي حاجه
ويعمل لى فلحس
ويقعد يحاسب
دا حقد اشتراكى انا ما اقبلوش
ولو هو ابنى انا ما اعتقوش
كلام عن سماسره
كلام عن دعاره
حاجات مش صحيحه
جمل مستعاره
وعايزين يخلوا البلد
اردغانه
وعايزين اسيب البلد
من زمان
وانا مش ح اسلم
واسيب الامان
ولابالبوليس والنيابه كمان
فيا ايها الشعب
كمل جميلك
وصبرا
واذلم حتيجى المصاري
وتاكل وتشرب
تبع ما ياتيك
وتغرق فى بحر العبيد والجواري
وترسم حياتك
حسب ما يرائيتك
وتملا الحواري
فساقى وقصاري
تسبح بحمدك
وتشكر جميلك
وفضل الزباله
وطفح المجاريه
ختاما سلاما
واخر كلاما
ضرورا
يسود الهدوء والوئاما
فماذا والا
ح طربقها واللا
اهرب فلوسي
واسافر قواما
سلام عليكم
وسلمون وموز
بصفتى رئيسا
وابا
وجوز

من أشعار أحمد فؤاد نجم
الرجوع الى أعلى الصفحة اذهب الى الأسفل
togy
...::| عضو ماسي |::...
...::| عضو ماسي |::...


الجنس : انثى
أنــــا :
المتصفح المفضل :
العمر : 28
تاريخ التسجيل : 15/03/2009
عدد الرسائل : 6403

مُساهمةموضوع: رد: بيان هام   الثلاثاء يوليو 07, 2009 8:53 pm

هههههههههههههههه
جاااااامد جداااااااااااااا
تسلم ايدك يا درش
الرجوع الى أعلى الصفحة اذهب الى الأسفل
sherooo
مدير عام المنتدى
مدير عام المنتدى


الجنس : ذكر
المتصفح المفضل :
العمر : 39
تاريخ التسجيل : 29/10/2007
عدد الرسائل : 3151

مُساهمةموضوع: رد: بيان هام   الأربعاء يوليو 15, 2009 8:39 pm

جامدة يا باشا




قالو منين البلد .. انا قلت مصراوي ..
فيها الوداد والسند .. ان كنت لها ناوي ..
يا أهل السماحه يا واحه .. لكل ضيف غاوي ..
وكفايه منها إمام الامه شعراوي
الرجوع الى أعلى الصفحة اذهب الى الأسفل
ziko
...::| عضو ذهبي |::...
...::| عضو ذهبي |::...


الجنس : ذكر
أنــــا :
مزاجى :
المتصفح المفضل :
العمر : 29
تاريخ التسجيل : 04/02/2009
عدد الرسائل : 2980

مُساهمةموضوع: رد: بيان هام   الأربعاء يوليو 15, 2009 8:41 pm

هههههههههه
الله ينور يا درش
اية الجمال دة
الرجوع الى أعلى الصفحة اذهب الى الأسفل
 
بيان هام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a7lashella :: المنتديات الأدبية :: منتدى الشعر وعذب الكلام-
انتقل الى:  
المواضيع الأخيرة
» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
أمس في 3:30 pm من طرف ناناجمس

» شركات يونيفورم بمصر_مصنع ارواب التخرج وملابس الحفلات وجميع الموديلات –ارواب للدكتوراة وارواب للماجيستير بأسعار منافسة
أمس في 2:38 pm من طرف ناناجمس

» تصنيع ملابس التخرجGraduationللجامعات والمدارس(ارواب التخرج_الأوشحة_الكابات)
أمس في 2:28 pm من طرف jakleen

» شركات يونيفورم بمصر_Ununiform شركة توريد يونيفورم مستشفيات واللبس الطبى للمستشفى والمعامل
أمس في 1:37 pm من طرف ناناجمس

» شركة الأميرة لليونيفورم(سرعه في التنفيذ_دقه في التصميم)Uniforms Company in Egypt
أمس في 1:37 pm من طرف jakleen

» متخصصون في تصنيع ملابس التخرج Graduation(ارواب التخرج-الكابات-أوشحة)01200561116
أمس في 12:52 pm من طرف jakleen

» شركات يونيفورم بمصر_Uniform مصنع يونيفورم مطاعم,لبس الطباخ,يونيفورم خدم,ملابس الشيف,يونيفورم الويتر وطقم المطاعم
أمس في 12:16 pm من طرف ناناجمس

» uniformشركة تصنيع و توريد يونيفورم لجميع المجالات_شركه يونيفورم بمصر01003358542
أمس في 10:50 am من طرف jakleen

» شركات يونيفورم بمصر_يونيفورم ununiform جميع الاقسام بالمستشفيات والفنادق والمصانع وشركات الامن والحراسة وارواب التخرج للجامعات
أمس في 10:30 am من طرف ناناجمس

» مصنع السلام للملابس الجاهزة والزي الموحد(تصنيع لحساب الغير)Uniforms factory in Egypt
أمس في 9:48 am من طرف jakleen

» (مصنع يونيفورم بالقاهرة)افضل شركة لتصنيع ارواب التخرج والاوشحهUniforms factory in Cairo
الإثنين فبراير 20, 2017 3:38 pm من طرف jakleen

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
الإثنين فبراير 20, 2017 3:08 pm من طرف ناناجمس

» uniformالاميرة لجميع انواع اليونيفورم(نورد لكل الدول العربية)_شركة يونيفورم بمصر
الإثنين فبراير 20, 2017 2:44 pm من طرف jakleen

» شركه يونيفورم بمصر_صور ارواب التخرج وملابس الحفلات وجميع الموديلات –ارواب للدكتوراة وارواب للماجيستير بأسعار منافسة
الإثنين فبراير 20, 2017 2:35 pm من طرف ناناجمس

» شركة يونيفورم بمصر_ موديلات لارواب التخرج والكاباتUniforms Company in Egypt
الإثنين فبراير 20, 2017 1:44 pm من طرف jakleen

» شركه يونيفورم بمصر_ تصنيع افرول سيفتى ولدينا مهمات وادوات الحماية والصحة المهنية
الإثنين فبراير 20, 2017 1:12 pm من طرف ناناجمس

» اكرم لليونيفورم والملابس الجاهزة بأسعار منافسه-شركة يوينفورم بالقاهرة
الإثنين فبراير 20, 2017 12:35 pm من طرف jakleen

» شركه يونيفورم بمصر_يونيفورم ununiform جميع الاقسام بالمستشفيات والفنادق والمصانع وشركات الامن والحراسة وارواب التخرج للجامعات
الإثنين فبراير 20, 2017 12:23 pm من طرف ناناجمس

» تفصيل جميع انواع اليونيفورم والملابس الجاهزه(مصنع السلام)تصنيع لحساب الغير
الإثنين فبراير 20, 2017 11:23 am من طرف jakleen

» شركه يونيفورم بمصر_ununiformالسلام للملابس الطبية والمفروشات الطبية والزى الموحد للمستشفيات والمختبرات
الإثنين فبراير 20, 2017 10:44 am من طرف ناناجمس

الوقت الذى استغرقته بالموقع أحلــى شلة لكل الشلـــــة


الموضوعات المكتوبة لا تعبر بالضرورة عن رأي الموقع 


Powered by © ahlamontada ® Version 3.8.6Copyright ©2000 - 2014,
Jelsoft Enterprises Ltd.Search Engine Friendly URLs by © phpBB2 3.5.1
©2014,a7lashella, Inc.