togy ...::| عضو ماسي |::...
الجنس : انثى أنــــا : المتصفح المفضل : العمر : 35 تاريخ التسجيل : 15/03/2009 عدد الرسائل : 6401
| موضوع: هتقبل هحبك .. هترفض هألبك ((لـــمــصــر وبــــس)) الخميس أغسطس 27, 2009 5:51 pm | |
| يا شعبى حبيبى ياروحى يا بيبى يا حطك فى جيبى يابن الحلال ..
يا شعبى يا شاطر يا جابر خواطر يا ساكن مقابر وصابر وعال ..
يا واكل سمومك يا بايع هدومك يا حامل همومك وشايل جبال ..
يا شعبى اللى نايم وسارح وهايم فى الفقر عايم وحاله ده حال ..
احبك محشش مفرفش مطنش ودايخ مروخ وآخر انسطال..
احبك مكبر دماغك مخدر ممشى امورك كده باتكال ..
واحب اللى شايف وعارف و خايف وبالع لسانه وكاتم مقال ..
واحب اللى راضى واحب اللى فاضى واحب اللى عايز يربى العيال ..
واحب اللى يائس واحب اللى بائس واحب اللى محبط وشايف محال ..
واحبك تسافر وتبعد تهاجر وتبعت فلوسك دولار او ريال ..
واحبك تطبل تهلل تهبل عشان ماتش كوره وفيلم ومقال ..
واحبك تأيد تعض تمجد توافق تنافق وتلحس نعال ..
لكن لو نفكر نخطط نقرر تشغلٍّى مخك وتفتح جدال ..
وتبدأ تشاكل وتعمل مشاكل وتنكش مسائل وتسأل سؤال ..
وعايز تنور وعايز تتطور وتعملّى روحك مفرد رجال ..
ساعتها حجيبك لا يمكن اسيبك وراح تبقى عبرة وتصبح مثال ..
حأبدل حنابك واذل اللى جابك وحيكون عذابك فوق الاحتمال ..
وامرمط سعادتك واهذئ سياتدك وخلّى كرامتك فى حالة هزال ..
وتلبس قضية وتصبح رزية وباقى حياتك تعيش فى انعزال ..
حتقبل ححبك هترفض هألبك هتطلع هتنزل هجيبلك جمااااال
7 7 7 7 7 7
تحياااااتى
| |
|
AMIRA ...::| عضو ذهبي |::...
الجنس : انثى أنــــا : المتصفح المفضل : العمر : 37 تاريخ التسجيل : 18/04/2009 عدد الرسائل : 4109
| موضوع: رد: هتقبل هحبك .. هترفض هألبك ((لـــمــصــر وبــــس)) الإثنين أغسطس 31, 2009 9:49 pm | |
| ههههههههههههههههههههههه ايه الكلام الجاااااااااااامد ده نورتينااااااااا توجى حمدالله على السلامه | |
|
metab المشرف العام
الجنس : ذكر العمر : 35 تاريخ التسجيل : 26/01/2009 عدد الرسائل : 4998
| موضوع: رد: هتقبل هحبك .. هترفض هألبك ((لـــمــصــر وبــــس)) الأربعاء سبتمبر 02, 2009 11:36 am | |
| من الاخر يا شعبى يا حبيبى هخرب بيتك خافى على نفسك يا توجى شكلك هتروحى هناك ونشوف وشك بخير | |
|
togy ...::| عضو ماسي |::...
الجنس : انثى أنــــا : المتصفح المفضل : العمر : 35 تاريخ التسجيل : 15/03/2009 عدد الرسائل : 6401
| موضوع: رد: هتقبل هحبك .. هترفض هألبك ((لـــمــصــر وبــــس)) الأربعاء سبتمبر 02, 2009 11:43 am | |
| شكرااااااااااااااا ليكي يا اميرة وشكراااااااااااااا ليك يا متعب | |
|