a7lashella

مرحبا بك عزيزي الزائر. المرجو منك أن تعرّف نفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه وسنسعد بذلك فى منتديات أحلى شلة .


نورتوا المنتدى
يسعدنا أن تنضم إلى أسرتنا بالتسجيل
للتسجيل فى مـنـتـديــات أحلى شلة
و إذا كنت مسجل لدينا لا تبخل علينا بالدخول



 
الرئيسيةHomeالتسجيلدخول

شاطر | 
 

 ::. انا و بنت الجيران .:::

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
metab
المشرف العام
المشرف العام
avatar

الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: ::. انا و بنت الجيران .:::   السبت سبتمبر 26, 2009 4:16 am

الحكاية بتبدأ من حوالى سنتين....
العفش بينزل من على عربية النقل...

و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..

و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...

الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..

و لما شافتنى زى ما تكون شافت عفريت ودخلت على جوة جرى...


و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...

و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...

لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟







قالتلى عندى 3 سنين





رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض

الرجوع الى أعلى الصفحة اذهب الى الأسفل
emad_0715
...::| عضو فعال |::...
...::| عضو فعال |::...
avatar

الجنس : ذكر
المتصفح المفضل :
العمر : 29
تاريخ التسجيل : 29/01/2009
عدد الرسائل : 2000

مُساهمةموضوع: رد: ::. انا و بنت الجيران .:::   السبت سبتمبر 26, 2009 5:07 am

هههههههههههههههههه

دى بقى روفيدة اللى كنت مصدعنى بيها طول السنة حرام عليك يا اخى

انا لو اعرف انها اكبر منك بسنتين كنت عقلتك

انا مش عارف ازاى تخبى عنى حاجة زى دى

بس ساهلة وبسيطة ومع شوية

هبا إيـه هبا أاه


هتتحل زى وسطك وانتا بتجرى عليها

متقلقلقلقلقلقلقلقلقلقلقش خخخخخخخخخخخخخخخالص

كلة تحت السيطرة
الرجوع الى أعلى الصفحة اذهب الى الأسفل
metab
المشرف العام
المشرف العام
avatar

الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: ::. انا و بنت الجيران .:::   السبت سبتمبر 26, 2009 5:23 am

اعمل اية يا عمدة مقدرش استغنى عنها
هيا حبى الوحيد وهيا الحب الاول فى حياتى
شكرا على مرورك الجميل
وتعيش وتاخد غيرها
الرجوع الى أعلى الصفحة اذهب الى الأسفل
togy
...::| عضو ماسي |::...
...::| عضو ماسي |::...
avatar

الجنس : انثى
أنــــا :
المتصفح المفضل :
العمر : 28
تاريخ التسجيل : 15/03/2009
عدد الرسائل : 6403

مُساهمةموضوع: رد: ::. انا و بنت الجيران .:::   السبت سبتمبر 26, 2009 7:41 am

هههههههههههههههههههههههههههههه
في الاخر يعني يطلع مقلب
لا بس مقلب دمه خفيف
تسلم ايدك يا درش
الرجوع الى أعلى الصفحة اذهب الى الأسفل
metab
المشرف العام
المشرف العام
avatar

الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: ::. انا و بنت الجيران .:::   السبت سبتمبر 26, 2009 12:54 pm

اى خدمة يا توجى
بس اكيد فى حجات كتير كدة بتحصل
الرجوع الى أعلى الصفحة اذهب الى الأسفل
DEMO30
...::| فريـق الدعـم الفنـي |::...
...::| فريـق الدعـم الفنـي |::...
avatar

الجنس : ذكر
أنــــا :
مزاجى :
المتصفح المفضل :
العمر : 27
تاريخ التسجيل : 27/02/2009
عدد الرسائل : 6878

مُساهمةموضوع: رد: ::. انا و بنت الجيران .:::   السبت سبتمبر 26, 2009 1:12 pm

مقلب يجنن يا متعب

هههههههههه

حلوة منك




الرجوع الى أعلى الصفحة اذهب الى الأسفل
metab
المشرف العام
المشرف العام
avatar

الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: ::. انا و بنت الجيران .:::   السبت سبتمبر 26, 2009 1:25 pm

اى خدمة يا ديمو
مش احلى من مقالبك
لسة ادينا بنتعلم
الرجوع الى أعلى الصفحة اذهب الى الأسفل
الساحرة
...::| عضو جديد |::...
...::| عضو جديد |::...
avatar

الجنس : انثى
العمر : 28
تاريخ التسجيل : 01/09/2009
عدد الرسائل : 187

مُساهمةموضوع: رد: ::. انا و بنت الجيران .:::   السبت سبتمبر 26, 2009 2:27 pm

ههههههههههههههههههههه
لا فعلا جامدة مووووووووووت يا متعب
بعد دة كله تطلع بنت 3 سنوات ................
ربنا يعينك عليها وتتربى فى عزك ان شاء الله
الرجوع الى أعلى الصفحة اذهب الى الأسفل
AMIRA
...::| عضو ذهبي |::...
...::| عضو ذهبي |::...
avatar

الجنس : انثى
أنــــا :
المتصفح المفضل :
العمر : 30
تاريخ التسجيل : 18/04/2009
عدد الرسائل : 4113

مُساهمةموضوع: رد: ::. انا و بنت الجيران .:::   السبت سبتمبر 26, 2009 8:27 pm

هههههههههههههههههههههههههه
ليه كده بس وانا اقول ايه البنت اللى
متساهله اوووى دى
وفى الاخر تطلع 3 سنين
يلا يدوبك على ادك
الرجوع الى أعلى الصفحة اذهب الى الأسفل
metab
المشرف العام
المشرف العام
avatar

الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: ::. انا و بنت الجيران .:::   السبت أكتوبر 10, 2009 4:04 am

شكرااااااااااااااا يا ساحرة
وادعيلى اربيها احسن تربية
اصلى التربية الايام دى صعبة اوى
الرجوع الى أعلى الصفحة اذهب الى الأسفل
metab
المشرف العام
المشرف العام
avatar

الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: ::. انا و بنت الجيران .:::   السبت أكتوبر 10, 2009 4:06 am

يا دوب يا اميرة على ادى
احنا لسة شباب الباقى والدور على اللى كبروا
لكن احنا لسة فى شبابنا
شكرا على ردك الجميل يا اميرة
الرجوع الى أعلى الصفحة اذهب الى الأسفل
 
::. انا و بنت الجيران .:::
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
a7lashella :: المنتديات الأدبية :: منتدى القصص والروائع-
انتقل الى:  
المواضيع الأخيرة
» شركه يونيفورم بمصر_يونيفورم وزى موحد فنادق ومنتجعات وقرى سياحية وبواخر وفنادق عائمة وبارات
أمس في 3:58 pm من طرف ناناجمس

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
أمس في 3:43 pm من طرف ناناجمس

» مصنع يونيفورم بالقاهرة _ مصنع ununiform يونيفورم مطاعم,لبس الطباخ,يونيفورم خدم,ملابس الشيف,يونيفورم الويتر وطقم المطاعم
أمس في 3:23 pm من طرف ناناجمس

» بيع وتأجيرارواب التخرجGraduationوالكابات موديلات مختلفة01126235513
أمس في 2:34 pm من طرف jakleen

» مصنع يونيفورم بالقاهرة _شركة السلام لتوريد الزي المدرسي وارواب التخرج واليونيفورم لاي دولة باسعار
أمس في 1:50 pm من طرف ناناجمس

» (الأميرة)نصنع جميع انواع اليونيفورم_مستشفيات_أمن_مطاعم_فنادق_مصانع_مدارس_ارواب تخرج01126235513
أمس في 1:11 pm من طرف jakleen

» بيع وايجارارواب تخرج للاطفال والكبار_شركة يونيفورم بالقاهرة01003358542
أمس في 12:37 pm من طرف jakleen

» مصنع يونيفورم فنادق,امن,مستشفيات,مطاعم(شركه يونيفورم بمصر)Uniforms Company in Egypt
أمس في 12:05 pm من طرف jakleen

» مصنع يونيفورم بالقاهرة _تصنيع ملابس جاهزة (يونيفورم للمستشفيات والفنادق والمصانع والشركات)طباعة وتطريز على الاقمشة وتصنيع شنط
أمس في 11:10 am من طرف ناناجمس

» مصنع السلام_تصنيع جميع انواع اليونيفورم والملابس الجاهزة(تصنيع لحساب الغير)
أمس في 10:59 am من طرف jakleen

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
الثلاثاء مارس 21, 2017 3:47 pm من طرف ناناجمس

» شركه يونيفورم بمصر_موديلات 2017 من الزى الموحد للمصانع وملابس الفنيين والمهندسين بالمصانع
الثلاثاء مارس 21, 2017 3:19 pm من طرف ناناجمس

» شركه يونيفورم بمصر_صور ارواب التخرج وملابس الحفلات وجميع الموديلات –ارواب للدكتوراة وارواب للماجيستير بأسعار منافسة
الثلاثاء مارس 21, 2017 2:24 pm من طرف ناناجمس

» شركه يونيفورم بمصر_يونيفورم وزى موحد فنادق ومنتجعات وقرى سياحية وبواخر وفنادق عائمة وبارات
الثلاثاء مارس 21, 2017 1:31 pm من طرف ناناجمس

» شركه يونيفورم بمصر_يونيفورم ununiform جميع الاقسام بالمستشفيات والفنادق والمصانع وشركات الامن والحراسة وارواب التخرج للجامعات
الثلاثاء مارس 21, 2017 11:43 am من طرف ناناجمس

» بيع وتأجير ارواب التخرج والكابات للجامعات والمدارسUniforms Company in Egypt
الإثنين مارس 20, 2017 3:36 pm من طرف jakleen

» Uniformمصنع يونيفورم فنادق,امن,مستشفيات,مطاعمUniforms factory in Cairo
الإثنين مارس 20, 2017 3:07 pm من طرف jakleen

» شركات يونيفورم بمصر_مصنع ارواب التخرج وملابس الحفلات وجميع الموديلات –ارواب للدكتوراة وارواب للماجيستير بأسعار منافسة
الإثنين مارس 20, 2017 2:37 pm من طرف ناناجمس

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
الإثنين مارس 20, 2017 2:10 pm من طرف ناناجمس

» (مصنع يونيفورم بالقاهرة)افضل شركة لتصنيع ارواب التخرج والاوشحهUniforms factory in Cairo
الإثنين مارس 20, 2017 1:55 pm من طرف jakleen

الوقت الذى استغرقته بالموقع أحلــى شلة لكل الشلـــــة


الموضوعات المكتوبة لا تعبر بالضرورة عن رأي الموقع 


Powered by © ahlamontada ® Version 3.8.6Copyright ©2000 - 2014,
Jelsoft Enterprises Ltd.Search Engine Friendly URLs by © phpBB2 3.5.1
©2014,a7lashella, Inc.