a7lashella

مرحبا بك عزيزي الزائر. المرجو منك أن تعرّف نفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه وسنسعد بذلك فى منتديات أحلى شلة .


نورتوا المنتدى
يسعدنا أن تنضم إلى أسرتنا بالتسجيل
للتسجيل فى مـنـتـديــات أحلى شلة
و إذا كنت مسجل لدينا لا تبخل علينا بالدخول



 
الرئيسيةHomeالتسجيلدخول

شاطر | 
 

 يوميات .. شاب صعيدى .. يحب بنت ستايل .. متجدد يوميا !! ارجو التثبيت

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5, 6  الصفحة التالية
كاتب الموضوعرسالة
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الثلاثاء فبراير 17, 2009 1:28 pm


الموضوع عباره عن حلقات ...و يوميا سيتم اضافه حلقه جديده ....... عايز اشوف تفاعلكم مع الموضوع و الردود عشان نتشجع و نكمل الموضوع ......و يلا بسرعه
واليوميات ...... هى عباره عن يوميات احمد و نور ...... احمد شاب صعيدى و بيحب بنت ستايل اسمها نور ... تخيلو ايه اللى ممكن يحصل

]نبتدى بالحلقة الاولى..........
احمد: لو سمحتي حضرتك...ممكن براية

نور: ههههههههههههههههههههههههههه

احمد :حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد : حد معاااااااه براااااااااية....او قلم زيااااااادة..ردوا

نور: انت اكيد مجنون وطي صوتك الطلبة كلها بتضحك عليك

احمد :ويضحكوا ليه ولاد الدزمة دووووووووول

نور: خلاص خلاص انا هنقل المحاضرة وبعدين اديلك تصورها

احمد : شكرا بس انقلي كويس ..وياريت تنظمي الكراسة
[center]
(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد

وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور: يا ستي سيبك

هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد :ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد: هههههههههههههههههه اصور ايه بخطك الزفت ده..شوفي ...زفت

نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه

]تابعوا معايا بقى قصة حب احمد الصعيدي ونور البنت الاستايل

سلام و انتظرو الحلقه القادمه

[/size][/center]
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الثلاثاء فبراير 17, 2009 1:42 pm


و عشان الاعضاء يتأكدو من روعه الحلقات .... ادى الحلقه التانيه كمان


وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا

احمد ...ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في احمد وهيتعامل معاها ازاي

كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي

الحلقة التانية يا جامدين

احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان

يجيب شاي من كافتيريا تانية...ونجح انه يجيب المرة دي ..دخل المدرج وفجأة

لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو


[size=21]احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين الدك....

وفجأة سمع صوت الدكتور بيناديله

ونكمل الحلقه الجايه
الرجوع الى أعلى الصفحة اذهب الى الأسفل
waelelgoker
...::| عضو جديد |::...
...::| عضو جديد |::...


الجنس : ذكر
العمر : 31
تاريخ التسجيل : 09/02/2009
عدد الرسائل : 40

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الثلاثاء فبراير 17, 2009 4:36 pm

الله عليك يا متعب قصة حب جاااااااااااااااااااااااااااااااااااااااااااااااااااااااااااااااااااااامدة جداااااااااااااااااااااااااااااااااااااااااااااااااااااااااااااااا
فعلا صعيدى صعيدى
اكيد من اسيوط
يلا بسرعة عشان انا مستنى على نار الحلقة التالتة
بسرعة يا متعب
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 12:28 am

شكرا يا وائل على ردك الجميل الاول
ثانيا انت عرفت منين ان احمد دا من اسيوط
ثالثا استنى شويى عشان الحلقة الثالثة جامدة
الرجوع الى أعلى الصفحة اذهب الى الأسفل
nor
...::| عضو مجتهد |::...
...::| عضو مجتهد |::...


الجنس : انثى
العمر : 29
تاريخ التسجيل : 27/01/2009
عدد الرسائل : 342

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 12:49 am

بجد تحفه يامتعب وعايزين نشوف باقى الحلقات مش الثالثة بس واضح انه حلو اوى
هنستناك
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 12:54 am

شكرا على رد الجميل يا نور
وهو فعلا حلقات تحفة ومداد انتى مستنية مقدرش اخليكى مستنية كدة
الناس تقول علية معنديش دم
واليكم بعد دقائق الحلقة 3
من مسلسل مهند ونور
قصدى احمد ونور
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 12:54 am


الحلقة الثالثة


وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر




الدكتور:مالك يابني مكشر من اول السنة ليه كده

احمد :لو سمحت معاك نمرة محمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتلي مكاني سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه

الدكتور : اطلع برا يلا...مش هتحضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح نور وهي جاية وبتبتسم بخجل


ووووووونكمل الحلقة اللي جاية

انتظرووووووووووووا الحلقة الرابعة قريباااااااااااا

الرجوع الى أعلى الصفحة اذهب الى الأسفل
لوجين
...::| عضو فعال |::...
...::| عضو فعال |::...


الجنس : انثى
المتصفح المفضل :
العمر : 21
تاريخ التسجيل : 04/02/2009
عدد الرسائل : 1692

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:10 am

جميل يا متعب جدا
بس انا لو منها مش اعطف عليه ولو حصل ايه هو يستاهل على قلة ادبه دى

بس بجد حلوة

مور شخصية جامدة بس مهزوزة شوية ياريت فى الحلقات الى جاية مش تكون كده
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:18 am

انا بقى عكسك وعجبانى شخصية احمد
باين عليها الطيبة والسذاجة وصعب تلاقيها الايام دى
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:19 am

وبناء على طب الجماهير
اليكم الحلقة الرابعة
الرجوع الى أعلى الصفحة اذهب الى الأسفل
لوجين
...::| عضو فعال |::...
...::| عضو فعال |::...


الجنس : انثى
المتصفح المفضل :
العمر : 21
تاريخ التسجيل : 04/02/2009
عدد الرسائل : 1692

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:22 am

الطيبة طويسة بس الادب مهم
شخصية نور كويسة بس مهزوزة جدا لازم تكون اقوى بجد هى لازم اول ما تطلع من المحاضرة تزعج فيه وتعلمه الادب ولو نصف كلمة كانت على العميد على طول ده لازم يعرف حدوده

بس بجد حلوة
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:42 am

بس يا لوجين كلامك بيجبلى الضغط تزعق فية ازاى دا كان اداها بالدزمة
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:42 am


يلا يا احلى شباب وعلى الحلقة الرابعة على طووووووول

بعد ما الدكتور طرد احمد من المحاضرة بسبب نور
وخرج زعلان خالص ونور صالحته وقالتله خد المحاضرة انقلها
واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة
احمد : لأ لسة انا في اول صفحة مش عارف اجرا الكلمة دي
نور قرت الكلمة
نور : اوكي كمل انا هستناك
احمد :لا لا انتي لازم تروحي دلوقتي عشان انتي اتأخرتي خالص
نور : طيب والمحاضرة
احمد : تتحرج المحاضرة
نور ضحكت ضحكة رقيقة جدا حركت قلب احمد الاسد
احمد : ممكن اوصلك لحد الباب...والله لحد الباب بس
نور : اوكي اوكي مفيهاش حاجة اتفضل
احمد : انتي في الجامعة هنا من امتى
نور :ايه يا احمد انا في سنك لسة اول سنة
احمد : انا عارف انا عارف
احمد : وياترى دخلتي هنا واسطة ولا ايه
نور : هههههههههههههههههه ...احمد مالك في ايه
احمد : لا بهرج معاكي
نور : تعرف انك
احمد :اني ايه
نور : طيب اوووي
احمد : وانتي انسانة محترمة اه فعلا محترمة بجد
نور : ميرسي
احمد :يالهوي ياني انا منجلتش المحاضرة بتاعت النهاردة
نور : ميرسي يا احمد على التوصيلة الجميلة دي منك
احمد : انتي رايحة فييييييييييييييييين
المحاضرة
المحاضرة
المحاضرة

وووووووونشوفكم الحلقة الجاية ان شاء الله ومع يوم جديد من ايام الجامعة
و احمد ونووووور

الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 1:59 am



وكمان الحلقة الخامسة للحبايب

الحلقه الخامسه


احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك

احمد : طيب وانا اعمل ايه يعني جارتي ولا مش جارتي

تؤ...طيب قول صباح الخير..قول صباح النور..قول صباح اللي بتغني

احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي

انا ؟ ؟

احمد : امال امي

تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك

احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة

ايه ده ..انت بتروح الجامعة...انا بفتكرك في المدرسة

احمد : صبرني يارب صبرني ...جولي عاوزة ايه هتأخر على الجماعة

عندك حبة شطة

احمد : هاا...جلتي عاوزة ايه

شطة شطة....اللي بتخلي الاكل يوحوح

احمد : لا انا مش بحب اوحوح عن اذنك...وقفل الباب ولبس بسرررعة ونزل


ركب الاتوبيس


احمد : الاجرة بكام لو سمحت يا اخينا

رد شاب ستايل...ههههههههه ايه اخينا دي دي كلمة قديمة موت

احمد : ماشي يا عم الجديد....بكام الاجرة

الكمثري :بجنيه وبريزة يا كابتن

احمد : اشمعنى وبريزة

الكمثري : حكومة تقدر تتكلم

احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش

احمد :هشششششششششش

انت قليل الادب مش محترم كمان

احمد : هسسسسسسسسسس

احمد : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة


نور لمحت الخناقة من بعيد

نور : احمد احمد في ايه

احمد : ابعدي انتي يا نور ده تار قديم وهيخلص النهاردة

نور : احمد دي جامعة انت ممكن تتفصل

احمد : ومحضرش محاضرات تاني ؟

نور : ايوة ايوة انا هروح انده الامن

احمد : تندهي الامن يشيلوا جستي ولا ايه


وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله




احمد : متشكر يا نور جوي

نور : ده اقل واجب يعني

احمد : انتي عملتي الواجب صح

نور : واجب ايه يا احمد هو احنا في مدرسة

احمد : ههههههههههه اصلها فاكراني في المدرسة

نور : هي مين دي

احمد : اللي عاوزة الشطة

نور : انا مش فاهمة حاجة يا احمد

احمد : انتي بتحبي توحوحي

نور : هههههههههههههههههههه

احمد : هههههههههههههههههههه

نور: تعرف يا احمد ان دمك خفيف اوي

احمد : ربنا يخليكي انا مش بجدر على الكلام ده

نور : هو انا قلت حاجة يا احمد

احمد : ايوة دمي خفيف وحلو ومسمسم والكلام الكابير ده

نور : ههههههههههههههههههههههه

احمد : بتضحكي على ايه عاد

نور : ههههههههههههههههههههههه

احمد : يوه يوه يوه

نور : المحضارة هتبتدي يا احمد يلا نحضر

احمد : ماتيجي نتمشى شوية في الحديقة وبلاش المحاضرة

نور : بجد ...طيب يلا

احمد : ال حديقة ال....يلا يا هانم نلحج المحاضرة انا حاجزلك جنبي



احمد دخل لقى اتنين اعدين مكانه هو ونور
ووووووووووووووووووووووووووو
نشوفكم الحلقة الجاية على خيييييييير الحلقة السادسة ان شاء الله

الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الأربعاء فبراير 18, 2009 12:07 pm

عايز اعرف رايكم
نكمل ولا لسة شوية
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 1:11 pm

فين ردودكم الغلسة قصدى ردودكم الجميلة
الرجوع الى أعلى الصفحة اذهب الى الأسفل
romeo_a61
...::| عضو مجتهد |::...
...::| عضو مجتهد |::...


الجنس : ذكر
العمر : 28
تاريخ التسجيل : 17/02/2009
عدد الرسائل : 448

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 1:55 pm

جامد يابني والله تسلم ايدك
الرجوع الى أعلى الصفحة اذهب الى الأسفل
شيكا
...::| عضو فعال |::...
...::| عضو فعال |::...


الجنس : ذكر
العمر : 27
تاريخ التسجيل : 19/02/2009
عدد الرسائل : 1440

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 2:12 pm

جااااااااااااااااااااااااااااااااااااااااااااااااااااااااااااااااااااااااامدة يا متعب مستنيين باقى الحلقات على نار
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 2:23 pm

شكرااااااااااااااااا يا عمور للرد ويارب تكون عجبتك
وشكرا يا شيكا منور المنتدى واهلا بيك معانا
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 2:24 pm

وعشان ردودك الجميلة يلا نكمل مع بعض
الحلقة السادسة
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 2:27 pm

الحلقة السادسة:-

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه

غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا

نور : سوري يا احمد مكنش قصدي بجد

احمد : اخرجي انتي برا وايه الجلم الرصاص اللي بتضربي بيه ده

نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه
احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت

هههههههههههههههههههههههههههههههههه

انتظرونا الحلقه القادمه يا جماااااااعه
الرجوع الى أعلى الصفحة اذهب الى الأسفل
aymanalrawy
...::| عضو مجتهد |::...
...::| عضو مجتهد |::...


الجنس : ذكر
العمر : 22
تاريخ التسجيل : 19/02/2009
عدد الرسائل : 264

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 3:37 pm

شكرا
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 3:47 pm

شكرا يا ايمن منور المنتدى
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 9:37 pm

عايزين الحلقة السابعة انتظروووووووووووونا
سنعووووووووووووووووووووووووووووود
الرجوع الى أعلى الصفحة اذهب الى الأسفل
metab
المشرف العام
المشرف العام


الجنس : ذكر
العمر : 28
تاريخ التسجيل : 26/01/2009
عدد الرسائل : 5003

مُساهمةموضوع: رد: يوميات .. شاب صعيدى .. يحب بنت ستايل .. متجدد يوميا !! ارجو التثبيت   الخميس فبراير 19, 2009 9:55 pm


يلا يلا يلا بسرعة على الحلقة السابعة ونشوف القمر اللى اسمها نور عملت ايه والشاب الجاااااامد أحمد بن عم هريدى

واسيبكم بقى مع الحلقة السابعة

ــــــــــــــــــــــــــــــــــــــــــــــــــــــــــــــــــــــــ

مع أطيب تمنياتى لكم بمشاهده ممتعة

.

وبعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات


احمد بيكلم واحد صاحبه عن الامتحان

احمد : امتحان ممتاااااااز سهل ميا
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : بوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : حمار
احمد : طب والتالتة
صاحبه : 2000
احمد : حمار
صاحبه : يوووه
احمد : طب والرابعة
صاحبه : محلتهاش
احمد : يا حمار هما تلاتة بس
صاحبه : انت اعد ولا هتسافر البلد
احمد : لأ هسافر انا مش ليا حد هنا


ولسة بيدور وشه....قرب عليه الملاك نور...وبصوت رقيق


نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :وحشتيني
نور : انا ؟
احمد: وحشتيني يا امي
نور : هههههههههههههههههههههههه
احمد الك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري متنعكش ومش بيتسرح
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات البلبوسة
نور : عيببببب
احمد : في ايه هو انا اللي بلبستهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور


وهو مروح بقى......عليا الطلاج لهروح الرحلة ....عاوزين نغير دو بقى

ووووووووووووونشووووووووفكم الحلقة الجاية

الرجوع الى أعلى الصفحة اذهب الى الأسفل
 
يوميات .. شاب صعيدى .. يحب بنت ستايل .. متجدد يوميا !! ارجو التثبيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 6انتقل الى الصفحة : 1, 2, 3, 4, 5, 6  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
a7lashella :: المنتديات الترفيهية :: منتدى الضحك والنكت-
انتقل الى:  
المواضيع الأخيرة
» (الأميره)احدث ارواب التخرجGraduationوالكابات والاوشحه01126235513
الثلاثاء يناير 17, 2017 1:36 pm من طرف jakleen

» الاميرة لتصنيع جميع انواع اليونيفورم_حسب طلب العميلUniforms Company in Egypt
الثلاثاء يناير 17, 2017 12:58 pm من طرف jakleen

» Uniformمصنع يونيفورم فنادق,امن,مستشفيات,مطاعم(شركه يونيفورم بمصر)
الثلاثاء يناير 17, 2017 12:09 pm من طرف jakleen

» مصنع يونيفورم بالقاهرة-موديلات مختلفة لارواب التخرج والكاباتUniforms factory in Cairo
الثلاثاء يناير 17, 2017 11:11 am من طرف jakleen

» مصنع السلام للملابس الجاهزة والزي الموحد(تصنيع لحساب الغير)Uniforms factory in Egypt
الثلاثاء يناير 17, 2017 10:38 am من طرف jakleen

» افضل شركة يونيفورم(اكرم)لجميع انواع اليونيفورم_شركات يونيفورم بمصر01200561116
الإثنين يناير 16, 2017 1:01 pm من طرف jakleen

» افضل شركة يونيفورم(اكرم)لجميع انواع اليونيفورم_شركات يونيفورم بمصر01200561116
الإثنين يناير 16, 2017 12:55 pm من طرف jakleen

» مصنع السلام للملابس الجاهزة والزي الموحد(تصنيع لحساب الغير)Uniforms factory in Egypt
الإثنين يناير 16, 2017 12:24 pm من طرف jakleen

» شركات يونيفورم بمصر_أفضل شركة يونيفورم (السلام للتوريدات الفندقيه 01223182572 - 01118689995
الأحد يناير 15, 2017 3:59 pm من طرف ناناجمس

» يونيفورم الاميرة سرعة في التفيذ و جوده في التصميم والخاماتUniforms factory in Egypt
الأحد يناير 15, 2017 3:52 pm من طرف jakleen

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
الأحد يناير 15, 2017 3:31 pm من طرف ناناجمس

» بيع وتأجير ارواب التخرج والكابات للجامعات والمدارس01200561116شركات يونيفورم بمصر
الأحد يناير 15, 2017 3:14 pm من طرف jakleen

» تصنيع وتوريد يونيفورم لجميع الدول العربية(شركه يونيفورم بالقاهرة)Uniforms Company in cairo
الأحد يناير 15, 2017 2:52 pm من طرف jakleen

» شركات يونيفورم بمصر_مريول تخرج وصور ارواب (كاب-وشاح-قبعة- طاقية )للخريجين استايلات جديدة
الأحد يناير 15, 2017 12:45 pm من طرف ناناجمس

» مصنع السلام للملابس الجاهزة(تصنيع لحساب الغير)_تصنيع جميع انواع اليونيفورم01223182572
الأحد يناير 15, 2017 11:59 am من طرف jakleen

» شركات يونيفورم بمصر_تصنيع وتجارة ازى الموحد (اليونيفورم ) للدول العربية والافريقية للفنادق والمصانع والمطاعم والمستشفيات والشركات
الأحد يناير 15, 2017 9:44 am من طرف ناناجمس

» بيع وتأجيرارواب التخرجGraduationوالكابات موديلات مختلفة01126235513
السبت يناير 14, 2017 3:40 pm من طرف jakleen

» مصنع يونيفورم بالقاهرة _مصنع السلام لتصنيع الملابس لحساب الغير (01223182572)
السبت يناير 14, 2017 3:16 pm من طرف ناناجمس

» الأميرة افضل شركة يونيفورم بمصر_جميع انواع الزي الموحد Uniforms Company in Egypt
السبت يناير 14, 2017 2:38 pm من طرف jakleen

» اكرم لتصنيع اجدد موديلات لارواب التخرج_مصنع يونيفورم بمصرUniforms factory in egypt
السبت يناير 14, 2017 2:03 pm من طرف jakleen

الوقت الذى استغرقته بالموقع أحلــى شلة لكل الشلـــــة


الموضوعات المكتوبة لا تعبر بالضرورة عن رأي الموقع 


Powered by © ahlamontada ® Version 3.8.6Copyright ©2000 - 2014,
Jelsoft Enterprises Ltd.Search Engine Friendly URLs by © phpBB2 3.5.1
©2014,a7lashella, Inc.