metab المشرف العام
الجنس : ذكر العمر : 36 تاريخ التسجيل : 26/01/2009 عدد الرسائل : 4998
| موضوع: البنات المفتريات الخميس نوفمبر 26, 2009 12:38 pm | |
| شوفوا البنات بتعمل ايه ....
اما تيجي الاجازه تلاقيهم
ماسكين التليفون وهات يا رغي ود ود ود ود ود ويك ويك ويك ويك
شفتي الواد حمص بكابوظا كان لابس ايه النهارده ؟؟ التيشرت بتاعه كان جميل بس الشوز كان مقطوع
بيقولوا البت حماره اتقدملها عريس كويس اه فعلا ..بس رفسته ؟؟
الا بالحق شفتي فستان اليسا الجديد السوليتى موليتى ؟؟
هيه صحيح البت زعبوله ودن القوله اتخطبت ؟؟
لا.. اصل عريسها مكنش شبه تامر حسني تيمووو
اما شفت حته واد النهارده زي القمر وقعد يبصلي يبصلي كتيــر
(((وهو تلاقيه معبرهاش اساسا )))
.............................
وبعد اما تقفل التليفون مع صحبتها او بعد ما تسبها
تقول اوووووووف البت دي كدابه كدب ؟؟ دي اكيد بتفشر عليا في اللي قالتله
وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ظهرها .... وفين يوجعك
البت دي انا مبقبلهاش بس هيه اللي مصممه تكلمني
ويقولوا لك علاقه البنات ببعض اقوي من علاقه الشباب مع بعض
والواحده من دول اما تتعارك مع صحبتها
يالهووووووووووووووووووووووي
تلاقي الملايه اتفرشت واللسان الجميل تحول اللي طبنجه 9 ملي
علي راي عادل امام فجاه لقيت النسر طار يا خال والنور اللي في وشه انطفي وقالي ملكـش فلـوش عنـدي
تخلص مع اصحابها تخش علي الام الغلبانه
ومفيش غير كلمه ((لا)) علي لسانها
و((اشمعني انا..)) متخلي فوزيه اختي هيا اللي تعمل
وياليله سودا لو اخوها قالها اعمليلي حاجه
يا الليله السودا اللي هيشوفها
واما تكون عايزه حاجه منه
اخويا حبيبي ..
فاكر لما قلتلي اعملك شاي من سنتين وعملتهولك ؟؟
ويا سلام لو ماسكه عليه حاجه
اول ما يزعقلها ..تقوله مش فاكر لما خلتني
روحت كلمتلك البت اياها
هتنفذ الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت يرضخ الاخ البري.. الوديع..
الحالم.. المطيع..الركيك ( الرقيق). . لطلبات الاخت المفتريه
خلاص خلصت علي ماما واخوها واصحابها ؟؟؟
تخش علي بابا عشان تنكد عليه
عايزه اجيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه ويقولك البنات حنينين علي اباهتهم بلا وكسه
ومن المطبخ للنت للسرير لmelody
واما تلاقي نفسها اتخنقت من اللي عملته
تخش علي المطبخ وهات يا .....؟ كأنه اسد بيفترس وليمه
وهيه تلاقيها قدامك في الجامعه
منتهي الركه والطيبه والحلم
وتقولها متاكلي تقولك انا ساندويتش واحد يشبعني وتاكل من طراطيف صوابعها
اكل اكل اكل :
مش مهم تاكل ايه
وتقولك انا بطلع زهقي في الاكل
حتي تلاقي الواحده من دول في سنك وقدك 9 مرات..
الأكاده بقا لما تتأخر باباها يسألها اتأخرتى ليه ده كله كنتى فين
تقوله معلش يا بابا اصلى بعد ما خلصت محاضراتى وركبت التاكسي خليت سواق التاكسي ينزلنى على اول الشارع
وانا ماشيه بقا فيه شاب غلس مشي ورايا بيعاكسنى
الاب يقولها طب يا بنتى ده مفيش دقيقتين من اول الشارع لحد البيت ... تاخديها فى ساعتين ؟؟
تقوله م انا يابابا كنت ماشيه براحتى ........ | |
|
sherooo مدير عام المنتدى
الجنس : ذكر المتصفح المفضل : العمر : 46 تاريخ التسجيل : 29/10/2007 عدد الرسائل : 3139
| موضوع: رد: البنات المفتريات الخميس نوفمبر 26, 2009 4:18 pm | |
| هههههههههههههههههههههههههههههه
بس عايز اضيف حاجة
هى البنت اخدت المسافة الصغيرة دى فى ساعتين
مش عشان هى كانت ماشية براحتها
لا
ده عشان اللى كان بيعاكسها هو اللى كان ماشى وراها بالراحة
ههههههههههههههههههههههههههه | |
|
lovely semsem ...::| عضو نشيط |::...
الجنس : انثى أنــــا : مزاجى : المتصفح المفضل : العمر : 39 تاريخ التسجيل : 23/11/2009 عدد الرسائل : 562
| موضوع: رد: البنات المفتريات الخميس نوفمبر 26, 2009 7:33 pm | |
| شوفوا بقى الشباب بيعملوا ايه
اما تيجي الاجازه تلاقيهم
نايمين طول النهار كانهم عمرهم ماناموا خالص ولما يصحوا ينزلوا مع صحابهم وماتشوفهمش الا نادرا ياما يتمشوا ف الشوارع ويبصبصوا على البنات اللى رايحة واللى جاية ومش سايبين حد ياما يقعدوا على القهوة يضربوا سيجارتين او اى حاجة تانى الله اعلم
ولو رجعوا البيت يرجعوا يتامروا عايزين يتعشوا ولو قلت لاى حد فيهم قوم عشى نفسك يقولك انا تعبان يلف البلد كلها من شرقها لغربها وييجى يتعب ف البيت اصلهم بيكونوا معتمدين على الفلبينيات اللى قاعدين ف البيت انهم يخدموهم (اللى هما اخواتهم البنات المساكين) وبعد مايرجعوا لو فكر اى حد ف البيت يقولهم انزل هات حاجة من تحت عينك ماتشوف الا النور يتفتحوا وهات اللى يسدهم
ويقولوا لك علاقه الشباب ببعض اقوي وارقى من علاقه البنات والواحد من دول اما يتعارك مع صاحبه على طول تطلع المطاوى والا الشتايم ياسلام لسانهم بينقط عسل ومعظم خناقاتهم على البنات
يخلص مع اصحابه خش علي الام الغلبانه ومفيش غير كلمه انتى متفتكريش اللى انتى عايزاه الا لما اكون نازل مع صحابى وانا راجع هاجيبلك كل اللى انتى عاوزاه وطبعا يرجع ايد ورا وايد قدام
ولو اخته قالتله وصلنى مكان يبقى نهارها مش معدى انتى مالقيتيش غير النهاردة اللى انا عندى فى موعد مهم جدا قال يعنى الواد مهم ومن غيره الدنيا تخرب
خلاص خلص علي ماما واخته واصحابه
مفيش غير بابا اللى رمى طوبته من زمان لما زهق من كلمة يابنى اقعد شوية ف البيت اتهد ربنا يهدك وطبعا مفيش فايدة ولا حول ولا قوة الابالله
| |
|
asser_alhb2009 ...::| عضو نشيط |::...
الجنس : ذكر العمر : 35 تاريخ التسجيل : 28/02/2009 عدد الرسائل : 864
| موضوع: رد: البنات المفتريات الخميس نوفمبر 26, 2009 10:24 pm | |
| جامد جدا يامتعب خد بتارنا من البنات ياراجل البنات دول عايزين الحرق اشطة يامتعب حبيبى | |
|
hsnaa ...::| عضو نشيط |::...
الجنس : انثى أنــــا : مزاجى : المتصفح المفضل : العمر : 34 تاريخ التسجيل : 21/02/2009 عدد الرسائل : 580
| موضوع: رد: البنات المفتريات الأحد نوفمبر 29, 2009 11:24 pm | |
| ههههههههههههه ايوه كده يا سمسمه ردى على الولاد اللى حطنا فى دمغهم ديما | |
|
togy ...::| عضو ماسي |::...
الجنس : انثى أنــــا : المتصفح المفضل : العمر : 35 تاريخ التسجيل : 15/03/2009 عدد الرسائل : 6401
| موضوع: رد: البنات المفتريات الثلاثاء ديسمبر 08, 2009 10:44 am | |
| ايه يا عم متعب انت وشيروووووووو واسير انتو جايين علينا كده ليه لما احنا عايزين الحرق انتو عايزين ايه ؟؟؟؟؟ الشنق يا اخي دا الواحده جابت اخرها منكم | |
|