الحب أعمى و أهبل و عبيط و بيعمل دماغ كمان

الحب أعمى و أهبل و عبيط
و بيعمل دماغ كمان

الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء .. الخطوة الثانية إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة .. و مع تطور الحالة يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك .. مش عارف تركز و لا حتى تفكر فى أى شىء خاصة عندما تقابل حبيبك .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!
إيه إللى أنا باقوله ده ! حاسس إنك عبيط و أكيد حبيبك قال عليك معتوه .. لكن إطمن .. دى حالة شائعة جدا فى الحب و ناس كتير عانت من نفس المشكلة و شعرت بنفس الهبل تقوللى ما انا عارف بس المشكلة فى حبيبى و الفكرة إللى أخدها عنى .. أقولك إهديله أغنية لما بتكون بعيد باحضر كلام أقوله و أما بتكون قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى و الله لما أشوفك بانسى الدنيا دى ، بانسى الكلام إللى أنا قايله حتى الغرام إللى أنا شايله.. ليتأكد إنك طبيعى و كل دى مجرد أعراض جانبية للحب عند كل الناس .. لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟!
بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما .. و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب..
ده غير تأثيره على المناطق المسئولة عن الذاكرة و التركيز .. عشان كده لما أبويا يقول فنجان قهوة بأعمله شاى و فى الآخر باديه لأمى .. و أراهنكوا إن شادية فضلت تصب فى الشاى لحد ما إتدلق من الفنجان على الصينية على الأرض .. و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات يعنى لو لاحظت حد مسطول مش ضرورى يكون ضارب ممكن يكون واخد جرعة حب زيادة..
و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان..
لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.
و لما تقابل حبيبك بدل ما تقول له الحب الحب .. الشوق الشوق تقول له إنت أحلى جوينت فى حياتى و لما بشوفك الطاسة بتتعمر كأنى ضربت خلطة منوعات.
كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.
الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ، الحب فضل يمسح فى دماغه .. يمسح فى دماغه لحد ما خلاها أبيض يا ورد..
فى النهاية قدامك طريقين .. الأول إنك تنفض الحب خالص و تحافظ على مخك و صحتك على أساس إنهم أنفعلك .. الطريق الثانى إنك تحب بجد و تضحى بعقلك فى سبيل إستمتاعك بالحب :rendeer:

ليه كدة يا شيروووو الحب شى جميل جدا
واكيد انت بتحب ومجرب اللى انت بتقول عليه ده صح
ياترى اتجننت ولا لسه ؟ :lol:

انا متجننتش ومسمحلكيش انك تقولى عليا انى اتجننت

انا مجنون اساسا من الأول

ههههههههههههههههه

دا اية منتدى المجانين اللى انا فية
انا كنت مجنون
دلوقتى الحمد لله

بقيت مجنون اكتر
ياريت بس تيجى على كد

شكرا يا مجنون قصدى يا بشمهندس شيروة

تيجى نتجنن يا درش ؟؟؟؟؟؟؟؟؟

ايه رأيك نتجنن سوا

بعد بكرة التلات

بعد ضهر الجمعة على طول

واحنا بنتعشى ؟؟؟؟؟؟؟؟؟؟

موافق ؟؟؟؟؟؟؟؟؟؟؟؟

الحب لحن جمييييل يتغني بين قلبين
الحب حنان وعطف وحياة جميلة
الذي يجرب الحب ولا يعيش فيه
كانه لن يعيش من قبل
الحب اعظم شيء في الدنيا بعثه الله لنا
تسلم ايدك يا شيروووووووووووووو
علي روائعك

ميرسى يا توجى على كلامك الرقيق

شكرا يا غالية

الشكر ليك انت علي
مواضيعك الراااااااائعه دي

دة لبقولك جنان وهبل ومش عارف اية

وتقوليلة لحن جميل

يابنتى دة مش موضوعنا خالص

احنا اية اللى جبنا هنا

ودة يا بشمهندس

نفس الموضوع بعد التنسيق الجديد

توزيع جديد يعنى

الحب أعمى و أهبل و عبيط
و بيعمل دماغ كمان

الخطوة الاولى :

الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء ..

الخطوة الثانية

إضطرابات فى النوم و عدم رغبة فى الأكل و تسارع فى ضربات القلب تصاحبها آلام فى المعدة ..

و مع تطور الحالة :

يبدأ الحب فى مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك و تتجسد فى كل تصرفاتك .. مش عارف تركز و لا حتى تفكر فى أى شىء خاصة عندما تقابل حبيبك .. تقول كلمتين .. بعدها يطير كل الكلام .. تحاول التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!

إيه إللى أنا باقوله ده !

حاسس إنك عبيط و أكيد حبيبك قال عليك معتوه ..

لكن إطمن ..

دى حالة شائعة جدا فى الحب و ناس كتير عانت من نفس المشكلة و شعرت بنفس الهبل

تقوللى : ما انا عارف بس المشكلة فى حبيبى و الفكرة إللى أخدها عنى ..

أقولك : إهديله أغنية:
(لما بتكون بعيد باحضر كلام أقوله و أما بتكون قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى و الله لما أشوفك بانسى الدنيا دى ، بانسى الكلام إللى أنا قايله حتى الغرام إللى أنا شايله..... )

ليتأكد إنك طبيعى و كل دى مجرد أعراض جانبية للحب عند كل الناس ..

لكن هل تعرف سبب التشتت و النسيان و عدم القدرة على التفكير ، و الهبل الذى تشعر به فى حالة الوقوع فى الحب؟!
بيقولك إكتشفوا إن الحب يؤثر على نشاط المخ و يقلل القدرة على التفكير بشكل عام ده غير المناطق التى يصيبها الشلل التام و هى المناطق المسئولة عن الإنتقاد و التقييمات السلبية حيث تتوقف عن العمل تماما ..

و لهذا قالوا زمان إن الحب أعمى لأننا عندما نحب نرى من نحب أعظم حد فى الدنيا و خاليين من العيوب..

ده غير تأثيره على المناطق المسئولة عن الذاكرة و التركيز ..

عشان كده لما أبويا يقول فنجان قهوة بأعمله شاى و فى الآخر باديه لأمى ..

و أراهنكوا إن شادية فضلت تصب فى الشاى لحد ما إتدلق من الفنجان على الصينية على الأرض ..

و بيقولك كمان إن الحب له نفس تأثير تعاطى المخدرات على المخ بعد تصوير المخ بالرنين المغناطيسى حيث لوحظ أن الحب يؤثر عليها مثل تعاطى المخدرات
يعنى لو لاحظت حد مسطول مش ضرورى يكون ضارب ممكن يكون واخد جرعة حب زيادة..

و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان..

لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.

و لما تقابل حبيبك بدل ما تقول له : ( الحب الحب .. الشوق الشوق )

تقول له : ( إنت أحلى جوينت فى حياتى و لما بشوفك الطاسة بتتعمر كأنى ضربت خلطة منوعات.)

كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.

الخطر الحقيقى إن الحالة تقلب على جنان خاصة عند الناس إللى عايشة الدور صح و عندها ضمير فى الحب و وصلت لدرجة عدم القدرة على التفكير و لنا فى قيس مجنون ليلى خير عبره ،

الحب فضل يمسح فى دماغه ..

يمسح فى دماغه

لحد ما خلاها أبيض يا ورد..

فى النهاية قدامك طريقين ..

الأول : إنك تنفض الحب خالص و تحافظ على مخك و صحتك على أساس إنهم أنفعلك ..

الثانى : إنك تحب بجد و تضحى بعقلك فى سبيل إستمتاعك بالحب :rendeer:

يا باشا مقبولة منك

والنعمة عسل

واللى ييجى منك برضه عسل

كلامك جميل جداااااااا
بس من غير حب يبقى مفيش حياه
مش لازم حب الحبيب لحبيبته
ولكن حب الاب الام الاخ الاخت
وده هو اللى بيدوام
تسلم ايدك

اولا/انا بشكر شيررو
ثانيا/الحب غباء
الى يربط نفسة ومصيرة وحياتة بحد
او باسم الحب دة غباء
ودى وجة نظرى
وشـــــــ
وشــــــ
وشــــــــــكرررا

الله ينور يا بشمهندس
بجد الموضوع جميل جدآآآ
بس انت كدة شبهت الحب
بمرض او هروين او بروفين
بس انا بقول الحب هبل فعلآ
تضيع وقت وخلاص ومش عارف لية
الواحد بياخد علية ويتبعو بس لما بتقع
بتقول ما انا كنت كويس وعايش مرتاح
ومية فل وزيادة خمسة والصراحة
الواحد يعيش كدة من غير حب احسن بكتير
الحب دة وجع دماغ وليل ونهار تفكر
عشان كدة الواحد بيحاول يبعد عن الهبل خالص

مشكورييييييييييييييييين يا جماعة يا عسل

جميل جدا اللي بيحصل هنا
الحب شئ جميل بس دلوقتي مش موجود

لما تدورى الأول ومتلاقيهوش ابقى اتكلمى

تلاقيكى دورتى فى حته ضلمة

هههههههههههههههههههههههه

ههههههههه والله موضوع لذيذ موت

وكلاملك كل صح 000 الحب بهدله

انا الحمد لله محافظ على مخى 000 بس جت عليا فتره مخى اتلحس شوى ورجعته تانى للافضل الحمد لله

هههه بجد والله ضحكتينى

» أعمى يقتل أعمى والشاهد على الجريمة أيضا أعمى !!
» عبيط بيتعلم انجليزى
» تعالوا شوفوا لون البحر بيعمل ايه
» احلى ما قيل فى الحب وعن الحب من حكم وامثال
» ليس من يتكلم عن الحب................. كمن يتألم من الحب