:::: يوميات مشرف فى المنتدى :::::

الحلقه التانيه

ziko : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا...
إيدك معايا يا اسير علشان نفتح الساعة داخلة على سبعة والنهار شقشق

اسير : سمى انت وادخل يا ziko .أنا عايز أنام شوية

ziko : ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى
هنحذف منه وإيه اللى هنحرقه بجاز

اسير : اهو متعب و شمس وطير ولوجين جم أهم...خليهم يبتدوا معاك على ما احلق دقنى واتشطف

ziko :على فكرة ياجماعة الواد متعب ده زهقنى من عيشتى... أنا مش ملاحق عليه....ده تشوفولكم صرفه معاه

متعب : ziko مش فاهم هوه بيقول إيه...الدور والباقى على شمس وديمو وشيكا مثقفين زيادة عن النسب المسموح بيها فى أى منتدى
....كلام فى الدين شوية والإرهاب شوية والرياضة شوية والاثار شويه والازياء شويه وعالم المرأه
والمطبخ شويه لما الضغط ابتدى يعلى عليا...
.انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم
فجأة نقلوا عالموسيقى والفن التجريدى والالعاب الكتابيه علشان ننسى الكلام التقيل




Ziko : أنا شايف إن أخطرالموجودين على الإطلاق توجى .....عامله ركن للسلطة فى باب المطبخ وسببت لى مشاكل فى البيت



اسير : وسع ياجدع البرنس وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة مربيين دقونهم وكل واحد فيهم عامل فيها شيخ الإسلام وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ما حد منا يشوفوه يروح لازقه إنذار لحد ما يزهق من عيشته ويخلع لوحده



ziko : إحنا معاك يا اسير .....لازم نقفلهم وقفة رجالة...قتل السياح حرام وجواز عتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى سينا



شيكا : أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه

ديمو : عفارم عليك يا شيكا ...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى



شمس : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يا نقنعهم يا يقنعونا



متعب : يا شمس معلش مع إحترامى فى كام واحد جايين جداد هنا محتاجين شوية ترصيص وظبط زوايا
سيبوا الحكايه دى عليا
دى فيها دم و لازم يروح فيها ارقاب





كفايه بقى كده علشان ماحدش يفكر يقتلنى



انتظرو الحلقة اللى جاية
وعايز ردود

الحلقه الرابعه



sheroo : أنا كنت عايز أناقش معاكم فكرة كده



ziko : خير اللهم اجعله خير



sheroo: هى قواعد الكتابة فى المنتدى حاليا كام صفحة



توجى : حوالى 25 صفحة تحتوى على 3000 بند



sheroo : أنا عايزكم تخلوها 100 صفحة تحتوى على ما لا يقل عن 50000 بند ...لو عرفتم تخلوها أكتر من كده يبقى أحسن




اسير الحب : مش كتير كده يا عم ... ده اللى مسجل جديد على ما يقراها تكون سنانه وقعت



متعب : ماهوه ده المطلوب ياعم ... مش عايزين حد يقراها ... وصلت الفكرة يا زغللة



ziko : فكرة بمليون جنيه ... الكبيركبير صحيح



لوجين : ما تفهمونا إيه العبارةياخوانا



ديمو : يعنى اللى هيسجل جديد لازم يوقع إنه قرا قواعد الكتابة فى المنتدى ووافق عليها ... تمام



لوجين : تمام



شمس : طبعا لمايلاقى 100 صفحة تحتوى على خمسين ألف بند هيروح موقع من غير ما يقرا حاجة...تمام



شيكا :لأ مش تمام .... مش فاهم حاجه



اسير: هو انت ديما كده يا شيكا خلاص سلملى بقا عالمترو....أى حد يكتب حاجة ما تعجبناش نروح لازقينه إنذار ونقول له إجرى يلا روح إقرا قواعد المنتدى قبل ما تكتب داهية فيك وفى أيامك السوده



الطير الحزين : طب إفرض عضو غتيت ورخم قرا القواعد كلها قبل ما يوقع



ziko : من لم يمت بالسيف ماتبغيره .... مين يعادينا ... هيه هيه



sheroo بيقول لـ ziko : نبه على جميع المشرفين إن فى إجتماع هام الساعة 3 فى قسم المشرفين ....الإجتماع مغلق وسرى للغاية

:queen: :queen: :queen:

ziko : بخصوص إيه



اسير الحب : أنا عن نفسى معرفش يظهر إنه توبسيكرت .. sheroo حويط اوى ....مش عايز حد من الأعضاء يشم خبر عن الإجتماع



ziko : رقبتى ياريس



فى منتدى المشرفين الساعه 3 بدأ اجتماع مغلق وسرى للغاية بحضور جميع المشرفين


sheroo: طبعا مستغربين أنا جمعتكم ليه النهارده ... الموضوع باختصار إن فيه معلومات وصلت للقيادة السياسية إن المنتدى فيه عدد كبير من الأعضاء بيكتبوا ضد الحكومة وضد الريس نفسه وتوريث الحكم...وصلتنى معلومات مؤكدة إن الريس قرر يقوم بزيارة مفاجئه جدا للمنتدى والتجول فيه بنفسه لمعرفة مدى صحة المعلومات دى...لازم نلم نفسنا بسرعة ونستعد للزيارة اللى غالبا حتكون الأسبوع اللى جاى



الطير الحزين : إحنا جاهزين يابوص ... لازم نبتدى نلم كل المواضيع اللى بتتكلم عن الريس ونحذفها

:cyclops: :cyclops: :cyclops:

توجى : تمام ونخلى المواضيع اللى بتقول كلام كويس عنه

:pirat: :pirat: :pirat:


لوجين: مفيش مواضيع كويسة عنه غير الموضوعبتاع جرجاوى
(نعم وألف نعم ياريس)



sheroo: مين جرجاوى ده؟



ِشيكا : ده بيبيع جرجير....قصدى عضوجديد وله ولاء شديد للرايس

:twisted: :twisted: :twisted: :twisted:

sheroo: عظيم كلموه يكتب كام موضوع زى ده و وفروله كل الإمكانيات اللى هيحتاجها



اسير الحب : إمكانيات زى إيه يعنى



sheroo : مساطر برايات اساتيك اقلام....كل حاجه



ziko : عايزين نستعد للموضوع ده بكل جدية ياجماعة....زيارة الريس احلى شلة شئ مش بسيط خصوصا فى الظروف الدولية الحالية....متنسوش إن مصر دلوقتى بلد نووية يعنى الأنظار عليها والسد العالى لو إنضرب الميه كلها هتروح على توشكى والناس هتستخبى فى مترو الأنفاق



sheroo: مالك يا ziko إنت عيان



توجى: لازم ياجماعة نحضر قصيدة نلقيها عند وصول السيد الرئيس

:lol: :lol: :lol:

ديمو : فكرة هايلة....فى مين شعراء عندنا



ziko : عماد...يا سلام...أعجوبة....ده لو قلت له صباح الخير يروح هفك قصيدة ستين بيت ومايخلصكش من إيده غير إنك تقول أنا جدع



اسير الحب : أظن عيب أوى يا ziko أبقى قاعد جنبك وتدور على شاعر يكتب القصيدة.....أنا ليا حق عرب عندك....وحياة طنط توتى مهنسهالك

:queen: :queen: :queen:

ziko : بس إنت يا اسير الحب يعنى ولا مؤاخذة ما بتحبش الكاكى...واللى جاى ده كاكى واللى جابه كاكى واللى جاب اللى جابه




اسير الحب : معلش ياع م الضرورات تبيح المحظورات....قل لى إيه رأيك فى الحتة دى

يابلدنا يامهلبية

ياحلوة يامستوية

ومبارك خلاكىآية


حسنك مالوش نهاية



sheroo : معلش يا اسير الحب ...اركن انت على جنب دلوقتى...فى مين تانى شعراء عندنا



متعب : فيه إسماعيل يس فى الأسطول... قصدى سين ...دى شاعره جامدهجدا...أنا مبفهمش هى بيقول إيه بس هايله



sheroo: أنا موافق على سين لإلقاء قصيدة الترحيب بالريس....ندخل على النقطة اللى بعدها فى جدول الأعمال....



شمس : مش هنرش المنتدى يابوص



sheroo: إيه المناسبة

:flower:

شمس : مش جايز الريس يكون فى جيوبه جراد وأول مايدخل ينطرهم علينا

:queen: :queen:

sheroo: إنتى مين يابنتى ...إنتى بقالك كتير معانا هنا



لوجين : فعلا الإحتياط واجب



sheroo بيتكلم مع متعب : أول لما الزيارة دى تتم على خير الطقم ده كله لازم يتغير



متعب : هنجيب مين بس يابوص



sheroo: أى حد إن شالله المخبول كاميلو



ziko : بمناسبة كاميلو ... ده هنسيبه كده والريس جاى ؟؟؟....أنا رأيى إننا نطرده مؤقتا لحد ماالزيارة تخلص وبعدين نرده بدل ما يعملنا قلق

:queen: :queen: :queen:

sheroo: ونرده ليه....مشيه خالص



اسير الحب : مالوش لزوم نعمل طرد أو ندى إنذارات اليومين دول.... بالنسبة لكاميلو هوه كان كاتب قصة مؤرفة ziko حذفها...رجعوهاله خلوه يتلهى فيها لحد ما الزيارة تنتهى وبعدها إرموه هو وقصته فى الشارع



بس ياريت ماحدش يزعل