حد يقلى اعمل ايه

محتاجه رائيكوا بجد

انا عندى واحده قريبتى من نفس سنى انا وهى اصدقاء طول العمر

وانا عارفه انها معقده بسبب باباها لانه كان بيخون مامتها

وهى اصبحت بتشك فى الجميع واستحاله تغفر الخيانه

لكن كل ده المفروض انه انتهى لما اتجوزت

لان جوزها بيحبها جدا وعمره ما يبص حتى مش يكلم واحده غيرها

انا بقه اكتشفت ان جوزها بيعرف بنات غيرها وبيخونها

اعمل ايه؟

اعرفها الحقيقه وانا عارفه انها عمرها ما هتغفر

وانها عندها طفل والتانى جاى فى الطريق

ولا اطنش خالص ومليش دعوه

أعملى فيلم هندى على قريبتك وأحكيلها عنه
بس الخطوات كالاتى :لازم تعرفى تمثلى ودى أهم شئ
أول خطوة قليلها بس على انك فاعلة خير وقليلها عن جوزها
هتقلك جبتى منين رقمى قليلها شئ سهل جبته من الموبيل بتاعه
او من شخص صاحب جوزيك حتى لا تزداد العصبية عليها عشان متفرقعش منكى
وتختمى معاها المكالمة بنصيحة تكون خفيفة على القلب قبل وبعد وتمشى بقى على الروشتة دى وبكدا
هتستمر الحياة ما بينهم ولو غلطان فى شئ قليلى وعلى فكرة انا مجرب الافلام الهندى دى على أصحابى وحبيبى
هههههههههه

بصى يا ست الحته
انك تقولى لقربيتك الحقيقه ده مش حل بالعكس انتى كده هتخربى البيت
انا من رائى انك ما تقوليش حاجه وحاولى تنصحيها بطريقه غير مباشره انها تحتوى جوزها وتخلى بالها منه ومن بيتها وفى طرق كتيره علشان تجذب زوجها لها وما تخلهوش يبص بره بيته
وخلى املك فى ربنا كبير ان يهدى هذا الزوج ومسيره يعرف ان الله حق
ويعرف حق زوجته واولاده عليه
اسال الله ان يهدى هذا الزوج ويرجعه الى زوجته و اولاده

اقولك حاجه كمان يمكن خارج الموضوع شويه
ان الزوجه اللى عايزه تحافظ على بيتها واولادها حتى لو عرفت ان زوجها خانها او بيعرف بنات تصبر فان جزائها عند الله خير كثير وايضا فى الاخر بيعرف انه كان غلط وبيرجع لبيته
وعارفه لو الزوجه قالت لزوجها ان هى عرفت كل حاجه وان هو بيخونها بعد كده بيزيد فى اعماله ومش بيهمه من زوجته على الاقل لما كان بيعمل حاجه من وراها بيكون عملها حساب وخايف تعرف

ويارب اكون افادتك بحاجه ولو فى رائى حاجه غلط انا مستعده لنقد

شكرا ليك يا ديمو
بس بردو اخاف من رد فعلها لانها ممكن تنهى جوازها
لو عرفت انه بيخونها والصراحه حقها بس بردو اخاف

شكرا يا شمس على رائيك
بس انا شايفه انك متحامله عليها
ليه معتقده انها مقصره مع جوزها
انا عارفها كويس جدا وعارفه انها مش مقصره فى اى حاجه معاه
هوه اللى عينه زايغه من دون سبب
هو اللى محتاج النصيحه مش هى
هى الزوجه اللى اى حد يتمنها

يا سته الحته ممكن تكونى نتى شايفها كده علشان بتحبيها
ولكن ده ميمنعش يا شمس انها تكون زوجه
تقريبا كاملا لا ن مفيش حد طبعا كامل
وعلى اد ما هى تحاول تقرب منه
هو هيحاول يقرب طبعا
بس انتى لمحى من بعيد علشان متزعلش منك
وتاخد بالها منه من غير احراج بينكم
يارب يبعد عنهم الشيطان

شكرا يا اميره على ردك
وانا هحاول انصحها ان لو فيها نقص فى اى حاجه تكملها
واما نشوف اخرتها معاه

ههههههههههههههه
انشاء الله خييييييييير
ويجيبو صبيان وبنات
ويارب يهدى كل المؤمنين
ويهدى الرجالة لانهم فى نعمة ومش حسين بيها والله

يا جماعه انا مش متحامله ولا حاجه
انا كل اللى اقصده انها تقرب من زوجها اكتر
فى اغلب الاحيان بتكون الزوجه عامله البدع علشان ترضى زوجها
وتكون قايده صوابعها العشره شمع رغم ذلك ممكن يبص بره بيته لان ده طابع فيه من الاول وفى حكمه بتقول الممنوع دايما مرغوب
ده ممكن يكون سؤ اختيار من الاول على العموم ناصحتيى من الاخر لست الحته وممكن تقبلها وممكن لا
انك ماتقوليش حاجه لقربيتك لانها لو عرفت
بعد كده هتعيش حياتها تشك فى كل اللى حوليها هتكون غير طبيعيه فى تصرفاتها مع الناس
وهيضيع بيتها واولادها ثانيا اتفائلى خير ان ربنا يهدىهذا الزوج ان شاء الله
وممكن كمان ماصدقيش لو قولتلها لانك بتقولى انها حاسه ان هو بيحبها وبيعاملها كويس واكيد بتحبه وممكن تدافع عنه
على العموم لو نصحتى ما عجبتكيش تجاهليها

طبعا كلامك صح يا شمس
انا من نفسى خايفه انى اقلها
انا مش هعرفها
وهحاول انصحها من بعيد

» اعمل لدار البــــــــــــــــــقاء
» اعمل توقيعك بكل سهولة